Kolonbiako ordezkaritza batek zuzenean ezagutu ditu Eusko Jaurlaritzaren industria-politika eta nazioartekotze-politika
Euskadin egiten ari diren bisitaldiaren barruan, Industria sailburuordearekin eta Euskadiko Nazioartekotze Agentziarekin bilera egin dute
Kolonbiako Caldaseko gobernadoreak eta diputatu eta senatari batzuek osatutako ordezkaritzak Eusko Jaurlaritzaren industria-politika eta nazioartekotze-politika ezagutu zituen asteartean. Javier Zarraonandia Industriako sailburuordearekin eta SPRI Taldeko Euskadiko Nazioartekotze Agentziako kontseilari delegatu Ainhoa Ondarzabalekin egin zuten bilera.
Kolonbiako ordezkaritzak Euskadira egindako bidaiaren barruan sartzen da bisita. Igandean heldu zen, eta Iñigo Urkullu lehendakariarekin eta Eusko Jaurlaritzako ordezkariekin ere egin ditu bilerak. Aste osoan zehar, ostegunera bitartean, hainbat enpresa eta erakunde bisitatuko dituzte, besteak beste, Bizkaiko Parke Zientifiko eta Teknologikoa, Tecnalia zentro teknologikoa, Mutrikuko Bimep itsas energiei buruzko saiakuntza-zentroa, Zornotzako Automotive Intelligent Center eta Errenteriako Tknika Lanbide Heziketako zentroa.
Industriako sailburuordearekin eta Nazioartekotze Agentziako kontseilari delegatuarekin asteartean Bilbon izandako bileran, Euskadiren industria-estrategia eta Agentziaren nazioartekotze-planak zuzenean ezagutzeko aukera izan zuten Kolonbiako ordezkariek. Nazioartekotze Agentzia aurten sortu da, Eusko Jaurlaritzak arlo horretan dituen gaitasunak eta aktiboak bateratzeko eta sendotzeko, eta, hala, bere ekintzaren eraginkortasuna, kalitatea eta irismena indartzeko.
Agentziako kanpo-sarea 70 herrialde baino gehiagotan hedatzen da, eta mundu osoan 15 bulego eta 60 aholkulari baino gehiago ditu.
Lotutako albisteak
Euskal sektore aeroespazialak loturak estutu ditu Estatu Batuetako industriarekin
Euskadiko enpresa eta zentro teknologikoen ordezkaritza batek Estatu Batuak bisitatu ditu sektorearen egungo egoera ezagutu eta herrialdeko eragile estrategikoekin harreman berriak finkatzeko
Euskadik nazioarteko estrategia indartu du Bruselan
Basque Trade & Investmenten ordezkaritza batek Belgikako hiribururako misioa egin du aste honetan, Europar Batasuneko politiken, finantzaketa-mekanismoen eta hainbat sektoretako negozio-aukeren ezagutzan sakontzeko
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.