Vibrotech, hamar urte baino gehiago makineria dadarakorra mundu osora esportatzen
Vibrotechek 2012tik diseinatzen eta fabrikatzen ditu makineria dardarakorra eta materialak garraiatzeko eta hautatzeko instalazioak. Errenterian (Gipuzkoa) duen egoitzatik, eta nazioarteko partnerrei esker, Europa osoko herrialdeei, Hego Amerikari eta Asiari ematen die zerbitzua. Era berean, une honetan, AEBetan merkatu-kuota handitzera bideratuta dago, eta laster hazkunde esanguratsua izatea aurreikusten du.
“Azken urteotan, nazioarteko merkatuetako makina dardarkarien hornitzaile nagusien artean kokatu gara”, nabarmendu du Miguel Ángel Gordalizak, Vibrotecheko zuzendari nagusiak, eta hori lortzeko gakoak partekatzen ditu: “prestakuntza eta ezagutza tekniko eta komertzial handiko plantilla bat, diseinuaren fidagarritasuna, lan komertzial handia eta partner-en kokapena herrialde bakoitzean”.
Ildo horretan, Mexikon ordezkari propioa du duela 10 urtetik, “Mexikoko merkatuari industria-sektore ezberdinetan arreta eskaintzen diona”, zuzendari nagusiaren arabera. Halaber, Hego Amerikan akordioak ditu Argentinan, Kolonbian edo Perun. Europan hamar partner baino gehiago ditu, eta Turkian eta Indian ordezkari bana.
Horrela, gaur egun bere produkzioaren % 80 inguru esportatzen du. “Hainbat industria-sektoretan lan egiten dugu, horietako bakoitzean makineria espezifikoa erabiliz, batez ere gure hiru sektore nagusietara bideratuta: galdaketa, meatzaritza eta birziklapena“, zehaztu du Gordalizak. Gipuzkoako enpresak 30 garapen baino gehiagoko eskaintza du sektore horietako bakoitzeko produkzio-prozesuei irtenbidea emateko, labeen kargagailuetatik hasi eta tobera-erauzgailuetaraino, xukagailu bibratzaileetatik igarota.
Horretarako, berrikuntza eta teknologia funtsezkoak izan dira Vibrotechen historian, hala ondorioztatu du Gordalizak: “Partner-ak eta merkataritza-lana funtsezkoak dira, ondo dakigu, baina ezinbestekoa da teknologia berritzailea izatea, kalitate eta fidagarritasun handiko produktuak garatzeko aukera emango diguna, gure bezeroei egokitutako soluzio optimoak eskaintzeko”.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
Lotutako albisteak
Singapurrek eta Euskadik negozio-aukera berriak esploratuko dituzte energia berriztagarrietan eta biozientzietan
Asiako herrialde horretako enpresen garapena bultzatzeaz arduratzen den gobernu-agentziaren ordezkaritza batek Euskadi bisitatu du aste honetan, sektore estrategikoetan balizko lankidetza-arloak jorratzeko asmoz
Egaña Group, zazpi hamarkadako historia eta nazioarteko asmoak dituen Gipuzkoako familia enpresa
Aurten hiru enpresak lantegi berean batzeaz gain, atzerrian duten presentzia zabaltzea du helburu konpainiak.
EJE&CONeko Nodo Norte VIII Topaketa: Mugarik Gabeko Profesionalak
Goi mailakoa topagune berria Bilbon eta talentu-harrobia Goi Zuzendaritzarentzat eta Administrazio Kontseiluentzat.
E&M Combustion-ek Chileko meatzaritza deskarbonizatzen laguntzen du hidrogenoa erabiliz, Sprilur-en Bildosola Poligonotik
Euskal ingeniaritzak hidrogenoaren errekuntzako I+G proiektu pilotu hau garatu du Chileko Gobernuarentzat.
Araniak hazkundea bizkortu du berrikuntzaren, iraunkortasunaren eta eraldaketa digitalaren bidez
Konpainiak Ipar Amerikan duen presentzia sendotu eta merkatu estrategikoetan lidergoa berretsi du