VICRILA, kanpora begira hazten jarraitzeko
Kopak eta edalontziak egiten dituen Vicrila euskal enpresa atzerrira begira jarri da hazten jarraitzeko. Hala, % 10 handitu du nazioarteko merkatuetan duen presentzia, eta bere esportazioak fakturazio osoaren % 40raino iritsi dira 2020aren amaieran.
Pandemia gorabehera, Vicrila-k handitu eta sendotu egin du bere atzerriko presentzia, batik bat Asiako merkatuan garrantzitsuak diren bi puntutan: Txinan eta Hego Korean. Era berean, hedapen aukera berriak ireki ditu, merkataritza akordioak lortu dituelako Maldiva uharteetan, Arabiar Emirerri Batuetan eta Indian. Hala, bere sare komertziala zabaltzen ari da, sare horretara biltzen direlarik AEBak, Mexiko, Italia, Frantzia, Alemania, UK, Karibe, Brasil, Grezia, Erdialdeko Amerika, Txile, Argentina, Hego Korea, Japonia, Malaysia, Puerto Rico, Zeelanda Berria, Ukrainia eta, besteak beste, Errusia. Esportazioak bere salmenta guztien % 40 dira dagoeneko.
Ostalaritza sektoreak egoera latza bizi du Espainian eta Europan, hori dela eta, konpainia bizkaitarrak bere hazkunde-estrategia birdiseinatu du bi salmenta-kanal bultzatuz: banatzaile handiak –retail– eta beste enpresa batzuentzako fabrikazioa, batez ere elikadura sektorean –B2B-.
Azken urtean, bere presentzia bikoiztu du retail sektorean –zeinak bere baitan hartzen dituen produktuak masiboki eta bezero kopuru handiei saltzen espezializatutako enpresak, hala nola, supermerkatuak eta kate espezializatuak-, bereziki Alemaniako merkatuan.
Datorren urteari begira, Vicrila-k helburu nagusitzat du areago indartzea Europako merkatuan eta kontinente amerikarrean duen presentzia, batik bat AEBetan eta Kanadan, eta bere segmentuko lider bilakatzea 2023rako.
Lotutako albisteak
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan
Programak 3,6 milioi euroko aurrekontua du eta bi urtez prestakuntza ematen die 30 urtetik beherako gazteei, kanpo merkataritzan espezializatu daitezen euskal enpresa eta erakundeen premiei erantzuteko. Eskaerak egiteko epea zabalik egongo da martxoaren 7tik apirilaren 10era.
Singapurrek eta Euskadik negozio-aukera berriak esploratuko dituzte energia berriztagarrietan eta biozientzietan
Asiako herrialde horretako enpresen garapena bultzatzeaz arduratzen den gobernu-agentziaren ordezkaritza batek Euskadi bisitatu du aste honetan, sektore estrategikoetan balizko lankidetza-arloak jorratzeko asmoz