Aitor Moreno (Ibermática): “Euskal industriak handinahia izan behar du teknologia kuantikoaren aplikazioan”

Aitor Moreno, Ibermáticako Kontrol eta Kudeaketa Sistema Adimendunen Saileko zuzendaria

Adimen Artifizialaren gorakadak eta industriari aplikatutako teknologia konputazionalen garapenak bide berri bat irekitzen diote enpresa-sektoreari, “arazo konplexuagoak, aldakorragoak eta eraginkorragoak konpontzeko aukera emango du” hala defendatzen du Aitor Morenok, Ibermáticako Kontrol eta Kudeaketa Sistema Adimendunen Saileko zuzendariak. 

Azaldu duenez, teknologia konputazionalak “aplikazioak ditu industria guztietan, propietate kuantikoak erabiltzen dituelako, informazioaren analisia eta informazioaren bilaketa bizkortzeko”. Era berean, Adimen Artifizialak “datuen araberako ezagutzaren sorrera bizkortzen du” gaineratu du, eta horri esker, industria-sektorean sor daitezkeen arazoei aurre egiteko portaera-jarraibideak lor daitezke.  

Testuinguru horretan, Morenok “teknologia kuantikoetan euskal ekosistema” bat sortzea defendatzen du, enpresa-sektoreak abangoardian jarrai dezan. “Zientzialari eta ingeniari onenak ditugu konputazio kuantikoan, optikan, laserrean, fabrikazioan, fisikorik onenetan…”azpimarratu du. Horregatik, Morenok euskal industria “teknologia horietan aitzindari izatera animatzen du, erreaktiboak ez izatera eta beste herrialde batzuek garatu arte itxarotera, anbizio handikoak izan behar dugu”, amaitzeko. 

SPRIk antolatutako +INDUSTRY kongresuan parte hartu zuen Aitor Morenok, ‘Teknologia kuantikoaren aplikazioak industrian’ hitzaldiarekin. 

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.