Azkartu proiektuak etorkizuneko industriaren konektibitatean aurrera egitea du helburu
Kalkuluen arabera, 2030erako Internetera konektatutako gailuen kopurua 1.000 milioitik gorakoa izango da, telefono mugikor bat edo aparatu konplexuagoak, hala nola automobil adimenduna edo industria-instalazio bateko makineria guztia. Kopuru horretara iristeko, 5G sare pribatuen hedapena funtsezkoa izango da, eta mota horretako sareetan ikertzeko helburuarekin sortu da Azkartu proiektua.
Azkartu Irontec enpresak gidatutako ekimena da, IT produktu eta zerbitzu teknologikoak garatzen dituena, eta SPRI Taldearen laguntza jaso du Hazitek programaren bidez. Gainera, Eskualde Garapeneko Europako Funtsaren (EGEF) bidez Europar Batasunak finantzazioa eskaini du ere. Bizkaiko enpresaz gain, Hispavista, Ipartic, Linqcase eta Segula Technologies enpresek ere parte hartzen dute garapenean.
Proiektu honen asmoa 5G sare pribatuen ikerketan eta garapenean aurrera egitea da, gero sare horiek euskal industrian integratzeko. “Gure helburua da euskal industria erreferente bihurtzea 5G sare pribatuen hedapen eraginkorra ahalbidetuko duten teknologien eta soluzio gaitzaileen garapenean”, adierazi du Iker Sagastik, Irontec enpresako zuzendari korporatiboa eta Azkartuko arduradunetako batek.
Gaur egun, industria askotan interneteko konexioetarako kableatua aukeratzen jarraitzen da. Metodo hori zaharkituta egongo da urte gutxiren buruan, eta Azkartuk Wifi 5G sare seguru eta eraginkorrengatik ordezkatu nahi du, prozesu industrialei azken belaunaldiko adimen artifiziala edo cloud sistemetako konputazioa bezalako tresnak gehituz. Irontec, bere aldetik, proiektuaren buru izateaz gain, sareetako zibersegurtasun eta automobilgintzako partzeletan aurrera egitea bilatzen du. Beste enpresa batzuk, hala nola Astigarragako Linqcase enpresak, ibilgailu autonomoetan eta manipulatzaile mugikorretan 5G integratzen lan egiten du, flota bereko roboten arteko komunikazioa hobetzeko helburuarekin.
Azkartu proiektua 2023tik dago martxan eta 2025eko azken hiruhilekoan amaituko da, produktu eta zerbitzu industrialei aplikatzeko teknologia garatzeko eta etorkizuneko industriarako sistemak eguneratzen jarraitzeko asmoz.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.
Vaillant Groupek aire-ur bero bonba berri bat merkaturatu du, eraginkorragoa eta zarata-mailak murrizten dituena
Behin Split proiektua amaituta, Europako merkatuan makinak merkaturatzen hasi da, eta 30.000 salmenta izatea aurreikusten du. SPRI Taldearen Hazitek Laguntza Programaren babesa jaso du.
Imanol Pradales Lehendakariak etorkizuneko abiazioa bultzatuko duen ITP Aero zentro berria inauguratu du
Imanol Pradales Lehendakariak eta Pedro Sánchez presidenteak ITP Aeroren ADMIRE zentroa inauguratu dute gaur goizean Zamudion, 24 milioi euroko inbertsioarekin eta 150 enplegu kualifikatu baino gehiagorekin. Zentro horrek berrikuntza eta jasangarritasuna sustatuko ditu hegazkingintzan Euskadin