Azterlanek eta Batzek proiektu batean parte hartu dute, hainbat estanpaziotara egokitu daitekeen trokela garatzeko
Bero-estanpazio teknologiak hiru ardatz nagusi ditu: hoztea, iraunkortasuna eta higadurarekiko erresistentzia. Hiru faktore horien arteko oreka izatea ezinbestekoa da, eta hori lortzeko material egokiak behar dira. Testuinguru horretan, Azterlan eta Batz sektore aeronautikoaren fabrikazioan erabiltzeko tresna berritzailea garatzen duen proiektu baten parte dira.
Azterlan, BRTA aliantzako kide den zentro teknologikoa, eta Batz, automobilgintzaren sektorerako munduko estanpazio-trokelen hornitzaile nagusietako bat, RIB-ON (Innovative Stamping Die for Aluminium Ribs Hot Stamping) proiektuaren parte dira. Proiektu hau Clean Sky 2 ekimenak finantzatzen du, Horizon 2020 programaren barruan.
Proiektuaren helburua estanpazio modularreko trokel bat garatzea eta fabrikatzea da, birkonfiguragarria eta kostu txikikoa. Trokel honen bidez, luzera eta forma ezberdineko ‘wing ribs’ modeloak (saihetsak) fabrikatu daitezke aireontzien hegaletarako. Horrek errendimendu handiko aluminiozko aleazio berriak eta altzairuzko eta estaldurako aleazioen neurrira egindako soluzioak erabiltzea ahalbidetzen du.
Proiektu honen bidez, Batz eta Azterlan aluminiozko bero-estanpazioetarako tresnarik egokienaren materiala aukeratzeko lanean aritu dira. Horrela, sektore aeronautikoaren iraunkortasuna bultzatu nahi da, osagai berriak eta fabrikazio-prozesu aurreratuak garatuz.
Azterlanek antzeko beste proiektu batzuetan lan egiten du, hala nola NEMARCO proiektuan, osasun-sektoreko material eta prozesu jasangarriagoak, iraunkorragoak eta arrisku txikiagokoak eko-diseinatzen dituena, edo REINTEGRA proiektuan, aireontzien panelak desegitea eta birziklatzea helburu duena. Bestalde, Batz ibilgailu elektrikoen garapenean aurrera egin nahi duen ALMA proiektuaren parte da.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.