AZTIk eta Destilerías y Biorefinerías Zambranak mahats-arraspa aprobetxatzeko proiektua garatu dute
Destilerías y Biorefinerías Zambranak, AZTI zentro teknologikoarekin lankidetzan, ALCUVA proiektua garatu dute, bioetanola eta balio erantsi handiko animalia-pentsuak ekoizteko mahats-arraspak aprobetxatzera bideratua. Mahastizaintza- eta ardogintza-industriaren azpiproduktu hori zen orain arte errebalorizatu ez den bakarra, baina ALCUVAk urtean 200 tona bioetanol baino gehiagoko ekoizpen potentziala erakutsi du, Arabako Errioxan ekoitzitakoa erabiliz.
Arraspa mahats-mordo bat osatzen duten aleen multzoari eusten dion zurezko egitura da. “Nagusiki biomasara bideratzen da lurzoruaren medeagarri organiko gisa“, azaldu dute AZTI zentrotik. Paradigma hori aldatzeko asmoz, Destilerías y Biorefinerias Zanbrana enpresak proiektu hau gauzatu du, eskualdeko bioekonomian mugarri garrantzitsu bat ezarriz, hiru fasetan egindako azterketa sakon baten bidez.
Lehenik eta behin, azukreak arraspatik berreskuratzeko prozesu bat garatu zen, bioetanola lortzeko. Bigarrenik, animalia-pentsuetarako osagai bat ekoizteko arraspa garbitua egonkortzeko prozesua garatu zen. Hirugarren fasean, arrasparen bilketa optimizatu zen, LiDAR sentsoreak zituen soluzio adimendun baten bidez. Irtenbide horrek, IoT plataforma batekin integratuta, ardandegiko arraspen bilketa monitorizatzen du, zerbitzuaren logistika hobetuz eta arrasparen degradazioa saihestuz, horrela lehengai gisa duen potentziala babestuz.
Horrela, proiektua 2023ko abenduan amaitu da, 2022ko irailean Eusko Jaurlaritzako Ekonomiaren Garapen, Jasangarritasun eta Ingurumen Sailaren 2022ko abuztuaren 31ko Aginduak ezarritako Bioekonomiaren arloko Berrikuntza Proiektuetarako Laguntza Programaren esparruan hasi ondoren, 105.957,5 euroko dirulaguntza batekin.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute
TECH friendly-k plangintza estrategikoa eta hiri-inguruneen eraldaketa digitala eta fisikoa uztartzen ditu
Bizkaiko enpresa hiriaren garapenean eta tokiko administrazio publikorako aholkularitza teknologikoan aritzen da.
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
Lansolar Ingenieros, bi hamarkada inguru abangoardiako irtenbideak eskaintzen trantsizio jasangarriagoa bultzatzeko
Bizkaiko enpresak hidrogenoarekin lan egiten hastea du helburu datozen hilabeteetan, energia fotovoltaikoa biltegiratzeko sistema gisa.
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa