BRTA aliantzak sei ikertzaile saritu ditu beren ibilbideagatik eta gazte etorkizunean izan lezaketen ikerketa-ibilbide oparoagatik
BRTA aliantzak hiru ikertzaile saritu ditu aliantzaren zentroetan egindako ibilbide luze eta emankorragatik, eta hiru gazte, berriz, etorkizunean izan lezaketen ikerketa-ibilbidearengatik. BRTA aliantzaren zentroetan ikertzen eta teknologia garatzen diharduten pertsonen lana aitortzeko, baloratzeko eta sustatzeko balio dute sari hauek. Rikardo Bueno BRTA aliantzako zuzendari nagusiak sarrerako hitzaldian nabarmendu du “saritu hauen guztien lanak euskal ekonomia eta enpresak eta gizartea oro har hobetzen laguntzen dute”.
BRTA (Basque Research & Technology Alliance) aliantzaren lehenengo sariak banatu dira Donostiako Parke Zientifiko Teknologikoan. Arantxa Tapia Otaegi Eusko Jaurlaritzako Garapen Ekonomiko, Jasangarritasun eta Ingurumen sailburuak eta Rikardo Bueno Zabalo BRTAko zuzendari nagusiak parte hartu dute ekitaldian.
Sariak
Ibilbidea kategorian hiru errekonozimendu eman dira. Oihana Otaegui (Vicomtech), Damien Salle (Tecnalia) eta Iñigo Iturriza (Ceit) izan dira saridunak, BRTA aliantzaren zentroetan egindako ibilbide luze eta emankorragatik. Oihana Otaeguik Vicomtech-en lan egiten du Garraio eta Segurtasun dibisioan. Bere ikerketa-arlo nagusia adimen artifiziala da; “gure ikerketari esker enpresak lehiakorragoak izan daitezen, beharrezkoa da unibertsitateek eta zentro teknologikoek elkarrekin lan egitea talentua sortzeko eta gure lurraldean talentu horri eusteko”, azpimarratu du. Damien Sallek, berriz, robotikaren arloan egiten du lan Tecnalian.
“Robotikako ikerketak errentagarritasuna ematen die enpresei. Azken urteetan, robotikak ekonomia zirkularrari, klima-aldaketaren arazoari… laguntzeko lan egiten dihardugu”, adierazi du. Azkenik, Iñigo Iturriza CEITeko Materialen eta Fabrikazioaren ataleko zuzendaria da. Bat dator esatean “ikerketak eraginkortasun handiagoa ematen diola industriari”.
Era berean, Ikerketa-etorkizuna kategorian, orain arte egindako lanagatik eta beren ikerketa-ibilbidean etorkizun oparoa izan lezaketenen artean saritutakoak Marine Reynaud (CIC energiGUNE), Eneko Osaba (Tecnalia) eta Andoni Saez de Ibarra (Ikerlan) izan dira. Marine Reynaudek CIC energiGUNEn lan egiten du, eta litio ioizko eta sodio ioizko baterietarako materialak garatzen ditu. “Material horien diseinua, sintesia eta karakterizazioa da nire espezialitatea”, esan du ikertzaileak.
Bestalde, Eneko Osaba Tecnalian ari da lanean Adimen Artifizialaren eta Konputazio Kuantikoaren arloetan. “Nire ekarpena txikia izan arren, pentsatu nahiko nuke Euskadin sortzen ari den ekosistema kuantikoa eraikitzen laguntzen ari naizela”, adierazi du ikertzaileak. Azkenik, Andoni Saez de Ibarra ikertzaileak Energia Kudeatzeko taldean egiten du lan Ikerlanen. “Eguneroko aplikazioetan nire ekarpentxoa ikustea da gehien motibatzen nauen gauzetako bat”, adierazi du.
Arantxa Tapiak, Garapen Ekonomiko, Iraunkortasun eta Ingurumen sailburuak eta BRTA aliantzako lehendakariak, itxi du BRTA aliantzak emandako lehen sariak banatzeko ekitaldia. Azken hitzaldian, ekitaldiaren amaieran, hau nabarmendu du: “ikertzaile bikainen etengabeko ahalegina eta konpromisoa saritu egin behar dira. Beharrezkoa da ikerketa zientifiko-teknologikoa aitortzea, ospatzea eta sustatzea, batez ere ekonomia produktiboan eragin positiboa duena eta aurrerapenen abangoardian egoteko aukera ematen diguna”.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.