BRTA partzuergoak ikerketen emaitzen balorizazioari buruzko udako ikastaro bat antolatu du
BRTA partzuergoak (Basque Resecar & Technology Alliance) ikerketen emaitzen balorizazioari buruzko jardunaldi batzuk eskainiko ditu Euskal Herriko Unibertsitatearen udako ikastaroetan. Uztailaren 18 eta 19an Donostiako Miramar Jauregian egingo den ekitaldi horretan laguntza emango zaie bertaratuei ikerketa-espazioetan sortzen den ezagutza identifikatu, babestu eta ustiatzeko, helburutzat hartuz ezagutza horren inpaktua hobetzea.
BRTA duela hiru urte sortu zen, Eusko Jaurlaritzak eta bere menpeko SPRI enpresen garapenerako agentziak, Araba, Bizkaia eta Gipuzkoako foru aldundiek eta Zientzia, Teknologia eta Berrikuntzaren Euskal Sareko 16 eragile zientifiko-teknologikok sinatutako lankidetza-hitzarmen baten bidez. Bere helburu nagusia da lankidetza-dinamika bat finkatzea Euskadik etorkizunean izango dituen erronka teknologiko eta industrialei aurre egiteko, eta baita ere nazioartean duen posizionamendua hobetzeko.
Udako ikastaro hauetan hizpide hartuko dira ikerketa-espazioetan sortzen den ezagutza identifikatu, babestu eta ustiatzeko bideak, lan konplexua baita, eta eragile bat baino gehiagoren arteko elkarreragina eta lankidetza eskatzen duena. Horregatik, BRTAk bi eguneko topagune bat proposatzen du, elkarrekin partekatzeko prozesu horiek hobetuko dituzten gaitasunak, tresnak eta ezagutzak. Jardunaldi horietan inguruko ekosistemaren ereduak landuko dira, kanpoko adituen laguntzarekin eta eragile desberdinen ikuspuntutik abiatuta.
Jardunaldi bakoitzak gai nagusi bat izango du: batak, ikerketa-zentroetako jabetza industrial eta intelektualaren kudeaketa eta, besteak, oinarri teknologikoko enpresa berrien sorkuntza balorizaziorako bitarteko esanguratsu gisa.
Bi jardunaldien helburua da elkarreragina bultzatzea berrikuntzako ekosistemako eragileen artean, balorizazio-prozesu onenak sustatzeko, eta, era berean, ikasleei gaitasunak eta tresnak eskaintzea jabetza intelektual eta industrialaren kudeaketa hobetzeko. Baita ere aztertuko dira oinarri teknologikoko enpresa berriak sortzeko bideak.
Ekitaldia bereziki zuzentzen zaie unibertsitateko ikasle eta irakasleei, profesionalei, ikertzaileei nahiz teknologoei.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.