CAFek 87 tren hornituko ditu Osloko tranbia indartzeko

Eskatutako unitateak CAFen Urbos gamakoak dira

200 milioi eurotik gorako balioa duen akordioa beste 60 unitaterekin handitzeko aukera dago

Egunero 130.000 bidaiari inguru garraiatzen dituela, tranbia Osloko hiri barruko garraio-sistema nagusietakoa bilakatu da. Honen kariaz, erakunde publikoek garraiobide honen sarea handitu eta egun hiri horretan joan-etorrian ibiltzen diren trenak ordezkatzea erabaki dute.

Eragiketa hau aurrera ateratzeko, Osloko hiri-garraioaz arduratzen den Sporveien enpresak 87 trenen horniketa eskatu dio CAF euskal trenbide konpainiari, 200 milioi eurotik gorako balioa duen kontratu baten bitartez. Eskaria beste 60 konboitan handitzeko aukera dago.

Eskatutako unitateak CAFen bezeroek estimu handi-handian duten Urbos gamakoak dira, Gipuzkoako enpresak ohar baten bidez jakinarazi duenez. Tren hauek 34 metroko luzera eta sarbide bikoitzeko 6na ate dituzte, eta sistema bereziez ekipatuko dituzte herrialde eskandinaviarreko baldintza klimatikoetara egokitzeko. Horrez gain, harrapatzeak saihesteko radarra izango dute, baita bidaiarientzako informazio-pantaila bikoitzak ere, wifi seinalea eta bestelako zerbitzu osagarriekin batera.

Lotutako albisteak

4 uztaila, 2024 I+G

Delicass, elikadura-berrikuntzagatik saritutako landare-pateak

Irakurri gehiago

28 ekaina, 2024 I+G

‘INDARPAK Precision’, zure mekanizazio kidea

Irakurri gehiago

28 ekaina, 2024 I+G

Repapel proiektuak paper-industriaren zirkulartasuna areagotzen duten konponbideak eskaintzen ditu

Irakurri gehiago

26 ekaina, 2024 I+G

H-ACERO proiektuaren helburua sektore siderurgikoa deskarbonizatzea da, hidrogenoaren bidez, ordezko iturri gisa

Irakurri gehiago

24 ekaina, 2024 I+G

Geolarrea, ia 30 urte geologian eta geoteknian jarduten

Irakurri gehiago

Joan blog-era