CIBEREGA proiektua: euskal teknologia zibermehatxuen aurrean
Industria-produktuen zibersegurtasuna bermatzea ebaluazio-prozedurak sortuz eta automatizatuz, eta zerbitzu aurreratuak eskaintzeko tresna berritzaileak garatzea da CIBEREGA proiektuaren helburu nagusia. Orbik Cibersecurity-k burutu du proiektua eta beste euskal enpresa baten laguntza izan du: Ona Electroerosión.
Zerbitzu aurreratu horiei esker, “zibersegurtasunaren jarraipena, monitorizazioa eta etengabeko kudeaketa egin ahal izango da sistema industrialen bizitza baliagarriaren zikloan zehar, behar izanez gero beharrezko akzio zentzatzaileak hartzeko”, ziurtatu du Elena Hernández Orbik-eko produktu zuzendariak.
Ildo horretan, Ona Electroerosión enpresak, bere produktuen eraldaketa digitalerako ibilbide-orriaren barruan, ziurtagiri berriak ezartzeko beharra identifikatu du, bere makinek zibersegurtasunaren arloan ezarritako arauak betetzen dituztela ziurtatzeko. “Egoera hori bereziki garrantzitsua da aro digitalean makinen esposizioa eta konektagarritasuna areagotu egin direlako, sistema industrialen segurtasuna gero eta kritikoagoa baita”, azpimarratu du Hernandezek.
Hori dela eta, funtsezkoa da makinek etorkizunean beteko dituzten beharrak ulertzea eta aztertzea, “sistema horien konektibitateari eta esposizioari dagokienez gero eta ingurune digitalagoan izandako aldaketa kualitatiboa dela kausa”, argitu du.
Horregatik, ziberresilientziak aukera ematen dio industriari eragiketen jarraitutasunari eusteko eta zibermehatxuen inpaktua minimizatzeko, arriskuak etengabe ebaluatuz, kalteberatasunak kudeatuz eta sistema industrial bakoitzaren behar espezifikoetara egokitutako zibersegurtasun-soluzioak ezarriz. Gainera, “balizko mehatxuei aurrea hartzea ahalbidetzen du, sistema industrialen segurtasuna eta moldagarritasuna hobetuz”, ziurtatu du.
Zibersegurtasuna aztertzeko eta kudeatzeko tresnak
Proiektuak hamar pertsonako lantaldea du, eta hasierako garapen-fasean dago, benetako industria-inguruneetan zibersegurtasuna aztertzeko eta kudeatzeko tresnak baliozkotzean zentratuta. CIBEREGA batez ere industria-sektoreko enpresei zuzenduta dago, bereziki haien sistema eta produktuen eraldaketa digitaleko prozesuan daudenei.
Horrela, SBoMs-en (Software Bill of Materials) ebaluazioan abantailak eskaintzen ditu, “sistema industrialetan erabilitako osagaiak baliozkoak eta ez-kalteberak direla ziurtatzen baitu”, azpimarratu du Elena Hernandezek. Era berean, software-gailuen hornidura-kateari segurtasunik gabeko osagaiek eragitea saihesten da. Eguneratzeei dagokienez, sistemak zaharkituta dauden osagaiak detekta ditzake eta jakinarazi gabeko ahultasunak adieraz ditzake.
Proiektuak 190.000 euro inguruko aurrekontua izan du, eta SPRI Taldearen Hazitek laguntza-programak finantzatu du. Laguntza-programa honekin izandako esperientzia “oso positiboa izan da, industriarako zibersegurtasunaren arloko berrikuntza bultzatzea ahalbidetu duelako”, aitortu du enpresa gipuzkoarraren ordezkariak. “Laguntza horri esker, industria-sistemen erresilientzia zibernetikoa hobetuko duten soluzio teknologikoen garapenean aurrera egin ahal izan dugu”, dio.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.