Danobat-ek eta Ideko-k Endity sortu dute balio teknologiko handiko piezak ikuskatzeko
Endity Solutions enpresa sortu berria Danobatgroup taldeak eta Ideko teknologi zentroak egin duten apustuaren emaitza da. Ikuskaritza ez suntsitzailearen arloko konponbideetan espezializatutako enpresa bat da, hau da, bere prozedura industrialekin posible da inperfekzioak, akatsak eta gabeziak detektatzea aztertutako piezen integritatea bermatuz. Normalean, balio erantsi handiko piezak izaten dira, halaxe esan du Danobatgroup taldeko Berrikuntzako zuzendari Nerea Arangurenek SPRI Taldearentzat egindako elkarrizketa batean. Bergaran (Gipuzkoa) kokatua, enpresa berri honek baditu instalazio propioak, bulegoak eta baita ere prototipoen tailer bat, bere garapen berriak probatzeko.
Zer dira ikuskaritza ez suntsitzaileko konponbideak?
Zenbait sektore kritikotako piezak (adibidez, aeronautika edo energia sektoreetakoak) ikuskatu egin behar dira. Esaterako, badago abiazioko motorren barruan jartzen den pieza bat, eta hori ezinbestean ikuskatu behar da martxan jarri baino lehen. Horrelako piezak ikuskatzeko teknologia suntsitzaileak edo ez suntsitzaileak erabili daitezke. Bien arteko aldea da teknologia ez suntsitzailearekin piezak baliozkoa izaten jarraitzen duela ikuskapen prozesuaren ondoren. Eta arlo horretantxe espezializatu gara. Teknologia ez suntsitzaileak piezaren integritatea ikuskatzen du inolako kalterik eragin gabe, mantendu egiten delarik piezaren funtzionaltasuna.
Nola eragiten dute ikuskapen horiek enpresa baten lehiakortasunean?
Entsegu ez suntsitzaileak funtsezko diziplina dira fabrikazio industrialaren lehiakortasuna bermatzeko, aukera ematen dutelako manufakturatutako piezen egoera eta kalitatea egiaztatzeko azaleko edo egiturako kalterik eragin gabe balio handiko sektore estrategikoetara zuzendutako osagaietan.
Zein sektore dira bereziki sentikorrak horrelako teknikekiko?
Normalean, balio erantsi handiko sektoreak izaten dira, adibidez, sektore aeronautikoa, automozioa, energia-sorkuntza eta Oil&Gas.
Nola egiten ziren horrelako ikuskapenak teknologia hau agertu baino lehen?
Lehen, eskuzko sistemak erabiltzen ziren. Teknologia nahiko antzekoa da, baina gure bereizgarria da ikuskatu beharreko pieza bakoitzaren neurrirako konponbideak egiten ditugula; lehengoak konponbide estandarragoak ziren. Bestalde, horrelako prozesuek giza osagai handia zuten, eta goi-mailako kualifikaziodun langileak behar ziren, alegia, lantegientzat aurkitzeko zailak diren profilak.
Zure ustez zein da Endity-ren balio bereizgarria?
Bi esparru zehatzetan espezializatu gara ikuskaritza-prozesuaren neurrira eginiko konponbideak garatzeko: ultrasoinuetan eta korronte elektromagnetikoetan. Hau da, enpresari laguntzen diogu ikuskaritza-proiektua definitzen, ziurtapena lortzen eta prozesua zuzen egiten, eta gainera sistema automatizatzen dugu, giza faktorea ekuaziotik kenduz eta aztarna digitala sortuz, ikuskatzen den piezari buruzko datu guztiek trazagarritasun frogagarria izan dezaten.
Akatsik gabeko garapena al da zuena?
Ezin dut esan % 100eko fidagarritasuna duenik, baina ziur nago akats-marjina asko murrizten duela. Prozesuak eskuz egiten direnean kontuan hartu behar da oso proiektu konplexuak direla, denbora asko behar dutenak, eta gizakiaren akats-marjina beti dago hor.
Endity Solutions proiektua errealitate bat da jadanik, martxan dago?
Momentuz bi proiektu dauzkagu martxan, bata energia sektorean (sektore eolikoa), non aero-sorgailuen palak ikuskatzeko sistema automatizatu bat garatzen ari baikara, eta bestea Oil&Gas sektorean.
Zuen helburuetako bat da enplegu kualifikatua sortzea Euskadin merkatu-nitxo berri hori elikatzeko…
Gaur egun bizi dugun eszenatoki ekonomiko konplexu honetan, gure asmoa da balioa eta kualifikazio handiko lanpostuak sortzea eta manufacturing arlora zuzendutako garapen teknologikoei buruzko ezagutza sakontzea. Zentzu horretan, enpresa honek teknologia aurreratua emango digu ikuskapen-lanetarako, gure dibertsifikazio estrategia sakontzen lagunduko digu eta aukera emango digu kalitatezko enplegua sortzen jarraitzeko.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.