Eibhok kontsumo jasangarriko eraikinetan eta 3D plataformetan aurrera egiteko I+Gko bi proiektu ditu abian
Eibho Architectural Solutions Aluminios Eibar enpresaren eraldaketa da. 25 urte daramatza eraikuntza, arkitektura, etxea eta bulegoen sektorera bideratutako irtenbideak eskaintzen. Aluminioa bere marka pertsonala da, eta hala azaltzen du José Jiménezek, Eibhoko zuzendari komertzialak: “Material jasangarria, birziklagarria, eraginkorra, iraunkorra eta moldakorra da, asmo handiko proiektu arkitektonikoei heltzeko eta pertsonentzako eraikin eraginkor eta osasungarrien eraikuntzan aurrera egiteko aukera ematen diguna”.
Ildo horretan, Zaldibarren (Bizkaia) egoitza duen enpresak produktuari bideratutako garapenaren eta berrikuntzaren aldeko apustu sendoa egin du, eta SPRI Taldearen Hazitek programaren laguntza jaso duten I+Gko bi proiektutan ari da lanean. “Programa horiek oso palanka garrantzitsua dira Eibhorentzat, produktu eta zerbitzuak garatzen laguntzen baitigute, merkatu tradizionalean aurkitzen dugunari osagai teknologiko eta berritzaile argia txertatzeko”, azpimarratu du Jimenezek. “Bidea oinez egiten dela diote eta programa horiek bidea hastea errazten dute. Gainera, ikerketa-zentroak enpresetara hurbiltzea ahalbidetzen dute”, gaineratu du.
Bizkaiko enpresak lantzen eta gidatzen duen lehenengo proiektuak S-SEIT du izena. Hainbat hornitzaileren sail teknikoekin eta Tecnaliarekin batera, Eibho fatxada moldagarriko sistema bat sortzen ari da, instalatuta dagoen eraikinari hotzaldietan isolatzeko gai den soluzio bat emateko eta, era berean, bero-aldietan eguzki-irabazi termikoak jaso ahal izateko. “Horrela, eraikinaren kontsumo-maila hobetzea lortzen dugu”, zuzendari komertzialak adierazi duenez, eta “eraikina aluminiozko profilez eta panel isolatzailez diseinatu dugun egitura batez hornituz” egiten dela azaldu du. “Horiek kliman asaldurak detektatzeko sentsoreekin lan egiten dute, eta panelak mugitzea ahalbidetuko du, definitutako parametroetan oinarrituta”, gehitu du. Lehen prototipo bat sortu dute eta proiektua garapen-fasean dago.
DMIX da Eibho murgilduta dagoen bigarren proiektuaren izena. Errealitate mistoko teknologietan eta diseinu sortzaileetan oinarritutako 3D web diseinuko plataforma bat da espazioen ekipamenduaren sektorerako. “Mundu birtualaren funtzionalitateak mundu fisikoan integratzen ditu, establezimendu fisikoen salmenta-indarra handitzeko, erosketa-esperientzia egokia, gogoangarria eta bereizgarria eskainiz. Tresna honek eskaintzen duen soluzio integralean datza osagai berritzailea”, Jimenezek azaldu duenez. Kasu honetan, Eibho da sistema berri hori baliozkotzearen arduraduna, eta hala azaldu du zuzendari komertzialak: “Bideo-mapping bidezko errealitate mistoko sistema bat instalatu dugu, benetako produktuen gainean duen funtzionamendua egiaztatzeko”. Proiektu honetan Telesonic, proiektuaren liderra, Treku eta Tecnalia fundazioa aritu dira parte hartzen, eta HABIC, Euskadiko ekipamendu, egur eta diseinuaren klusterra, azken hau merkatuan dagoen beharra antzemateko.
Berrikuntzak eta digitalizazioak markatutako etorkizuna
I+Gko proiektu horietan parte hartzea ez da ustekabekoa; izan ere, Eibho (lehen Aluminios EIbar) berrikuntzak markatutako aldaketa estrategiko batean murgilduta dago: “Ziur gaude I+G+Bn eta gure kolaboratzaileen negozio-aukerak erraztuko dituzten produktu eta zerbitzuen garapenean apustu egiten jarraituko dugula, merkatuaren egoera aldakorretara, arau-aldaketetara, erosketa-modu berrietara eta abarretara hobeto egokitzeko aukera ematen baitigu”, dio José Jiménezek.
En ese sentido, uno de los grandes retos para los próximos años, además de posicionar su nueva imagen de marca, es la digitalización de la empresa. “Hemos apostado por una combinación de ‘showrooms’ físicos en todas las delegaciones, destacando el Edificio Eibho de 1.800 m2 que estamos construyendo en Berriz con ‘showrooms’ o plataformas digitales, para el ámbito del equipamiento, las fachadas y los cerramientos de aluminio, y así lograr una mejor presentación de productos y soluciones para la arquitectura”, explica el director comercial.
Ildo horretan, datozen urteetarako erronka handienetako bat, markaren irudi berria kokatzeaz gain, enpresaren digitalizazioa da. “Ordezkaritza guztietan showroom fisikoen konbinazioaren aldeko apustua egin dugu, eta nabarmentzekoak dira Berrizen eraikitzen ari garen 1.800 m2-ko Eibho eraikina, showroom eta plataforma digitalekin, ekipamenduaren, fatxaden eta aluminiozko itxituren eremurako, eta horrela arkitekturarako produktuen eta soluzioen aurkezpen hobea lortzeko”, azaldu du zuzendari komertzialak.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute