Errealitate birtualeko tutorialak industria-langileak prestatzeko
Errealitate birtuala, gero eta indar handiagoz, esparru askotan agertzen den tresna bat da. Are gehiago pandemiak sortutako egoeran,non aisialdirako, adinekoen laguntzarako edo langileak prestatzeko erabiltzen den.
Azken horren adibide argia da Vicomtechek Alecop Taldearekin, Hezkuntza eta Lanbide Heziketa Teknikoko proiektuen garapenean espezializatua dagoen enpresarekin, batera abian jarri duen proiektua.
Basque Research and Technology Allianceko (BRTA) kide den Gipuzkoako zentro teknologikoak metodologia bat garatu du errealitate birtualeko prestakuntza-ikastaroetan tutorialak sortzeko. Metodologia horren helburua industria-langileak prestatzea da. Proiektuan hainbat arazori erantzuna ematen dieten tresna birtualak erabiltzen dira, hala nola lan-estazioen eredu birtuala sortzea 3D berreraikuntzagatik, 3D ereduetan espero den portaera aplikatzea, online tutorialak prestatzea eta langileak esparru birtualean gaitzea. Teknologia hori, murgiltze-errealitate birtualaren bidez, pertsona eta makina arteko interakzioa sortzeko gai da, hainbat modutan.
Proiektu honen bidez, Alecop taldeak Vicomtechi helarazi zion beharrari erantzuten zaio. Hala, tresna horiek erabiliz, langileek aukera dute, lanean hasi aurretik eta modu seguruan, izango duten lanpostu espezifikoko operazioak ikasteko eta praktikatzeko.
Vicomtecheko arduradunen arabera, proiektua industrializazio fasean dago Alecope aldetik. Gainera, sistema eboluzionatzen ari da, bere prestazioak zabaltzen. Horren ondorioz, merkaturatzea prestatzen joateko prototipoak eta demoak garatu dira. “Horrelako tresnak ez dira industria-sektorean bakarrik aplikatzen. Osasun sektorean, adibidez, kirurgiak planifikatzeko eta osasun arloko profesionalak prestatzeko erabiltzen dira”, azaldu dute.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.
Vaillant Groupek aire-ur bero bonba berri bat merkaturatu du, eraginkorragoa eta zarata-mailak murrizten dituena
Behin Split proiektua amaituta, Europako merkatuan makinak merkaturatzen hasi da, eta 30.000 salmenta izatea aurreikusten du. SPRI Taldearen Hazitek Laguntza Programaren babesa jaso du.