Euskadiko garraio-teknologia adimendunen kongresua hilaren amaieran egingo da
Euskadiko garraio-teknologia adimendunei buruzko XI. kongresua azaroaren 26an eta 27an egingo da. Topaketa modu telematikoan antolatu du Euskadiko Mugikortasun eta Logistika Klusterrak, eta pertsonen eta salgaien mugikortasunari aplikatutako sistemen eta teknologien azken berrikuntzak ezagutaraztea du helburu, haien eraginkortasuna, iraunkortasuna eta segurtasuna hobetzeko.
Gipuzkoako Ganberatik zuzenean emango diren 16 hitzaldi izango dira, gai hauek jorratuz: mugikortasunaren eta azpiegituren kudeaketa; elektromugikortasuna; C-ITS maniobra eta zerbitzu kooperatiboak; monitorizazioa eta trazabilitatea; mugikortasun autonomoa; eta pertsonen mugikortasuna.
Topaketak Next Generation EU berreskuratze plan europarrak sektoreari eskaintzen dizkion aukerak ezagutzeko saio espezifiko bat izango du, eta lurraldeen arteko lankidetza sektorialerako aukera berriak aurkeztuko dira.
Izen emateak zabalik daude eta hizlarien artean Asimob, Ceit, Gipuzkoako Foru Aldundia, EMT Madril, Geograma, Gertek, Igarle, Indra, Ingartek, Interbiak, Kapsch, Mubil, PwC, Tecnalia eta Deustuko Unibertsitatea daude.
Lotutako albisteak
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.