Euskadiko mila enpresa eta agente teknologiko baino gehiago baliatu dira 2024an Eusko Jaurlaritzaren I+G programaz
Zientzia, Teknologia eta Berrikuntzaren Euskal Sareko 943 eta 68 agente (zentro teknologikoak, unibertsitateak, ikerketa kooperatiboko zentroak, etab.) baliatu dira 2024an Eusko Jaurlaritzaren Industria, Trantsizio Energetikoa eta Jasangarritasun Sailaren 145 milioi euroko inbertsioaz.
Inbertsioa SPRIk kudeatzen dituen hiru teknologia-programaren bidez gauzatu da, eta 265 milioi euroko inbertsio pribatua mobilizatu dute.
Euskadiren I+G arloarekiko hautua
Era horretara, Euskadik I+G arloarekiko hautua egiten jarraitzen du. EUSTATek berriki eskainitako datuen arabera, 2023an Euskadiren I+G inbertsioa gehiengo historikora iritsi zen lehen aldiz 2.000 milioi euro gainditu zituenean (2.002 milioi), aurreko urtean baino 208 gehiago, eta 2022ko erregistroen aldean, % 11,6 handitu zen.
Inbertsio hori BPGren % 2,16 da –serie historikoko daturik onena hori ere–, eta aukera ematen dio autonomia-erkidegoari 2022ko EB-27ko datuekiko aldea murrizteko, BPGren % 2,27n baitzegoen.
2024ko balantzea
Horrela, Euskadiko enpresako I+G jarduera babesten duen HAZITEK programak 654 proiektu finantzatu ditu 2024an, 91,2 milioi euroko laguntza guztira. Era berean, Industria-ikerketako eta Garapen esperimentaleko jardueretan 265 milioi euro eragin ditu horrek, Euskadiko beste 759 enpresatan denera.
Lehiakorren ildoan, 666 enpresak hartu dute parte, eta 623 babestu dira. Aldiz, estrategikoen ildoan, 184 enpresak parte hartu dute, eta 31 babestu dira.
Haziteken bidez, Industria Adimendunaren, Energia Garbien eta Osasun pertsonalizatuaren arloko ezaugarri lehiakorrak eta estrategikoak dituzten Industria-ikerketarako edo Garapen Esperimentalerako proiektuak gauzatzea babesten da. Bi kasuetan, babestutako jardueren zati handi batek jasangarritasunaren arloak hobetzera bideratutako teknologia digitalak eta irtenbide berriak ikertu eta garatzeari begiratzen dio, eta horrela, eraldaketa digital eta jasangarri bikoitzari erantzuten dio.
Programaren azken helburua enpresen I+G jardueraren bidez Euskadiko industria sendotzea da, Euskadiko produkzio-sarearen lehiakortasunean ekarpena eraginkortasunez eginda eta eragin ekonomiko nabarmena duten emaitzak lortuta, Euskadirentzat estrategikoak diren espezializazio-eremuen babesaren bidez.
Zientziaren eta Teknologiaren Euskal Sareari babesa
Bestetik, ELKARTEK programak laguntzak eskaintzen dizkio Zientziaren, Teknologia eta Berrikuntzaren Euskal Sareko agenteek eremu estrategikoetan gauzatutako lankidetzako ikerketarako; eta 2024ko deialdian, 117 hautagaitatik 57 babestu ditu. Agenteek aurkeztutako 141,27 milioi euroko aurrekontuak deialdiak izan duen 44 milioi euroko aurrekontua hirukoizten du, eta haren bidez, ZTBESko 68 agente babestu dira.
Era berean, AZPITEK programak laguntzak eskaintzen ditu zentro teknologiko multifokalizatuetako eta lankidetzako ikerketarako zentroetako azpiegiturak eskuratu eta eguneratzeko. 18 ekipamendu berriren erosketa babestu du, eta 9,8 milioi euroko laguntza eman die ZTBESko 12 zentrori.
Lotutako albisteak
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute