Euskal diseinua duten ferri ekologikoak
Oliver Design konpainiak ontzi iraunkorragoen diseinua landu du Baleàriarentzat
Ontzigintza arloko diseinuan eta arkitekturan espezializatuta dagoen Oliver Design euskal enpresak lau ontzi ekologiko berriren diseinua egin du Baleària ontzi bidezko garraio-konpainiarentzat. Honek serie horretako bigarren ontzia itsasoratu berri du Ibiza eta Formenteraren arteko bidaiak egiteko.
Euskal konpainiak diseinatutako ontzi berriek 28 metroko luzera eta 9 metroko zabalera dute eta propultsio-sistema eraginkorragoaz hornituta daude. Diseinuan nahiz eraikuntzan, funtsezkotzat jo dira itsasontzi horietan sar daitezkeen 350 bidaiarien irisgarritasuna eta erosotasuna, iraunkortasunarekin batera.
Asturiasko GONDAN ontziolan eraikitako ferri horien branka ura erraz husteko eta segurtasuna bermatzeko diseinatu da, eta kraskoak egiteko beira-zuntzez indartutako poliesterra erabili da, akabera ekologikoagoa lortzeko asmoz. Horrez gain, eguzki-plakak dituzte, itsasontzian eskainitako zerbitzuen behar energetikoak estaltzeko.
Lotutako albisteak
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute