Euskal enpresek 1,1 milioi euroko laguntzak izango dituzte teknologia digital eta jasangarriak aplikatzeko
Euskal enpresek hirugarren urtez jarraian eskuratu ahal izango dituzte teknologia digital eta jasangarrien aplikazioa errazteko BDIH Konexio programako laguntzak. Programak 1,1 milioi euroko aurrekontua du eta eskaerak egiteko epea uztailaren 28tik urriaren 14ra bitartekoa izango da.
Iaz 82 euskal enpresa (lehen edizioan halako bi) izan ziren SPRI Taldeak kudeatutako programa honen onuradunak, zeinaren bidez Basque Digital Innovation Hub zentroak aktibo eta zerbitzuen sare konektatu bat jartzen baitu enpresen zerbitzura teknologia digital eta jasangarrien inguruko prestakuntza emateko eta ikerketak, testak eta baliozkotze-prozesuak egiteko. 2021eko aurrekontua ia 955.000 eurokoa izan zen.
Laguntza teknikoa ematen duten proiektu azkarrak dira, baliagarri direnak horrelako teknologiek fabrikazioko benetako arazoak konpontzeko eskain ditzaketen erabilerak probatzeko eta ulertzeko. Fabrikazioko arazoak esatean esan nahi da, besteak beste, zikloen denborak murriztea manipulatzaile robotikoek egiten dituzten zenbait jardueratan, produkzio-prozesu jakin batzuen deformazioen simulazioak egitea, pieza espezifikoen fabrikaziorako teknologiak aztertzea edo prototipoak garatzea composite pieza funtzionalen fabrikaziorako.
BDIH Konexio programak 12.000 eta 20.000 bitarteko dirulaguntza ez itzulgarriak ematen dizkie Basque Digital Innovation Hub sareko kideekin (Zientzia, Teknologia eta Berrikuntzaren Euskal Sareko agenteak, hots, Teknologi Zentro, Unibertsitate, Lanbide Heziketako Zentro eta enpresetako I+G Unitateak) edo Europako DIH zentro batekin (BDIHk harekin lankidetza akordioak baditu) elkarlan estuan garatutako proiektuak aurkezten dituzten enpresei.
Programaren helburua da eskuragarri dagoen eskaintza teknologikoa ezagutaraztea euskal enpresen artean. Asmoa da industria arloko enpresen lehiakortasuna hobetzea, BDIH sareko nodoek eskaintzen dituzten teknologia digital eta jasangarriak aplikatuz eta, bide horretatik, hobekuntzak lortuz euren produkzio-prozesuetan edo produktuetan.
BDIH ekimena fabrikazio aurreratuko RIS3 euskal estrategiaren barruan dago kokatua, eta helburutzat du enpresa-sareari laguntzea berrikuntza digital eta jasangarrien esperimentazioan. Aktibo berezien eta zerbitzuen sare konektatu bat da, teknologia digital eta jasangarrien inguruko prestakuntza emateko, ikerketarako, eta probak eta baliozkotzeak egiteko, eta enpresen -bereziki, ETEen- zerbitzura dago.
Programa honek are gehiago indartu du euskal erakundeek industriaren eraldaketa digital eta jasangarriaren alde egin duten apustu irmoa.
Aurtengo plana, gastuen % 80rainoko dirulaguntzak ematen dituena, bereziki zuzentzen zaie arlo hauetako batekin lotutako teknologiak txertatzen dituzten enpresei: fabrikazio gehigarria, zibersegurtasuna, makina adimendun eta konektatuak, material aurreratuak, robotika malgua, sare elektriko digitalak edo gailu medikoak eta osasun digitala.
Has zaitez hemendik!
BDIH Konexio programa interesatzen bazaizu eta bere abantailak eskuratu nahi badituzu, ez itxaron gehiago eta esaiguzu zein premia duzun galdetegia betez SPRI Taldearen web orrian. Hortik aurrera, eta zure behar teknologikoen arabera, teknikari-aditu egoki bat esleituko dizugu prozesu osoan lagundu zaitzan.
Gogoan izan, diruz lagundu daitezkeen BDIH Konexio proiektuak:
nodo teknologikoka antolatzen dira, eta dirulaguntzaren onuradunak teknikari-aditu baten laguntza jasotzen du. Aurtengo deialdian enpresa bakoitzak bi proposamenetarako finantzaketa jaso ahal izango du gehienez. Aukeratu ongi zure nodoa galdetegian, pertsona aproposenarengana zuzendu zaitzagun, eta pertsona horrek aholku eman eta dirulaguntza eskatzeko behar duzun laguntza eman diezazun!
Zalantzaren bat? Jar zaitez harremanetan gure BEZEROEN ARRETA zerbitzuarekin: 900 92 93 93 | Aprobetxatu Euskadiko nahiz Europako I+G-ko azpiegiturak, industria digital eta jasangarriak berekin dakartzan erronkak gainditzeko, eta HAZI!! info+: BDIH Konexio
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.