Eusko Jaurlaritzak zientziaren industriako aukerei buruzko jardunaldi bat antolatu du
Ekitaldi hori uztailaren 17an egingo da Gipuzkoako Zientzia eta Teknologi Parkean
Eusko Jaurlaritzak eta Ineustar-ek (Zientzia industriaren Espainiako elkarteak) jardunaldi bat antolatu dute uztailaren 17an, Gipuzkoako Zientzia eta Teknologi Parkean, industria sektore horren gaitasunak eta aukerak ezagutarazteko. Euskadin badira zenbait enpresa mundu mailako erreferenteak direnak arlo horretan eta lanean ari direnak munduko ikerketa-gune eta agentzia garrantzitsuenentzat (CERN, NASA edo ITER), eta badira ere euskal enpresak liderrak direnak zein bere merkatu-nitxoan, hala nola superkonduktibitatean, mekatronikan edo mekanizatu ultra-zehatzean.
Gainera, Euskadin teknologia-zentroz, unibertsitatez, instalazioz eta bikaintasun-zentroz osatutako sare pribilegiatu bat dugu.
Jardunaldi honen helburua da zientziaren industriako euskal ekosistemako agenteek elkar hobeto ezagutu dezatela, haien arteko lankidetza sustatzea, eta sektorearen ezaugarri eta aukera garrantzitsuenak aurkeztea.
Teknologia, Berrikuntza eta Lehiakortasun sailburuorde Estíbaliz Hernáezek emango dio hasiera jardunaldiari. Gero, dozena erdi bat hitzaldi emango dira proiektu bereziei eta euskal teknologia-zentroen gaitasunari buruz. Azkenik, hiru enpresek beren kasu arrakastatsuak azalduko dituzte.
Izena emateko hona hemen: (ineustar@ineustar.com)
Jardunaldiaren programa:
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.