Eva Arrilucea: “Ezin dugu teknologia- edo ekonomia-subiranotasunik izan industria subiranotasunik ez izanez gero”
Subiranotasun teknologikoaren eta autonomia estrategikoaren kontzeptuek lotura zuzena dute lurraldearen oparotasun mailarekin. Tecnaliako Think&Do estrategia-taldeko arduradun Eva Arriluceak, SPRI Taldeak antolatutako Basque Open Industry saioan jorratuko ditu kontzeptu horiek. Topaketa hori azaroaren 13an eta 14an izango da, Bilbao Exhibition Centren (BEC), eta euskal industria adimendunaren ordezkariak bilduko ditu.
“Gure beharrak asetzen dituzten eta, gainera, beste lurralde batzuetara esportatu ahal ditugun soluzioak garatzeko gai garen heinean, aberastasun-maila handitu eta gure ongizate-maila hobetu ahal izango dugu; horregatik da funtsezkoa kontzeptu horietan sakontzea”, azaldu du. Gainera, Arriluceak industria-sare sendoa izatearen garrantzia nabarmentzen du. “Funtsezkoa da industria; izan ere, badakigu ezin dugula subiranotasun teknologikorik izan, ez subiranotasun ekonomikorik, ez bestelako subiranotasun industrialik izan, ez badugu gure gaitasun guztiak garatzeko aukera emango digun industria-sare indartsurik”.
Autonomia estrategikoaren maila handitzeko gakoen artean, Arriluceak lau nabarmentzen ditu: talentuaren aldeko lehia; sektore publikoak “ bere lehentasunak zein diren jakitea, gidatzen eta identifikatzen lagunduko duena”; premiazko zentzua, “arazoak konpondu egin behar direlako eta dagoeneko konpondu behar direlako”; eta “guretzat funtsezkoak diren balio-kateak identifikatzeko aliantzak”.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
Ibarmia: “Abangoardian egoteko eta prestazio handiko makinen fabrikazioan erreferente izateko lan egiten dugu”
Enpresa gipuzkoarrak berrikuntza teknologikoaren aldeko apustua egin du, ekoizpena optimizatzeko eta lehiakortasuna hobetzeko.
Orai: “Adimen artifizialerako gure neurona-eredua euskarazko aurreratuena da ingurune eskalagarrietarako”
Elhuyarreko adimen artifizialeko zentroak Llama-eus-8B garatu du, eredu fundazionala (adimen artifizial sortzailearen oinarri gisa erabiltzen den eredu-mota), euskara idatzia ulertzea eta sortzea eskatzen duten sistemak garatzeko.
HINEk 50. urteurrena ospatuko du sistema hidraulikoetako munduko lider gisa
Olaberriko enpresak 700 langile ditu eta 200 milioiko fakturazioa, eta industrian eta energia berriztagarrietan espezializatuta dago
Pospoloak eta aterkientzako egiturak egitetik, automobiletarako motelgailuak eta norabide-zutabeak egitera
Hijos de Juan de Garay enpresaren 160 urteko historiak dibertsifikazio berezia izan du eta, gaur egun, zehaztasun handiko hodien fabrikaziorako munduko erreferente bihurtu da
Paturpat: “Produktu naturala egiten dugu, patatarekin errezetak egitean denbora eta kostuak murriztea lortzen duena”
Enpresa arabarra hirugarren fabrikazio-lerro bat instalatzen ari da, etorkizuneko produktu-eskaerei aurre egiteko, eta ekonomia zirkularreko proiektu europar batean parte hartzen ari da.