Faktoria proiektua, jasangarritasuna sektore aeroespazialean eragile euskaldunen eskutik
Hegazkingintzaren etorkizuna hegazkin gero eta jasangarriagoen fabrikazioan oinarritzen da. Deskarbonizazio-prozesu horren helburuetako bat da % 100 erregai jasangarriekin funtzionatzeko diseinatutako motorrak garatzea. Motor horiek Clean Sky 2 ekimen europarraren pean garatzen hasi ziren, eta bat datoz Europako Ikerketa Aeronautikorako Aholku Batzordeak emandako ingurumen-eskakizunekin. Eta mugimendu horretara gehitu da Euskadi ere Faktoria Proiektuaren bidez.
Etorkizuneko motor horiek bultzatuko dituzten turbinak fabrikatzea ahalbidetuko duten teknologien ikerketan eta garapenean EAE erreferente bihurtu nahi du Faktoriak. ITP Aero da ekimenaren buru, eta Zientzia, Teknologia eta Berrikuntzaren Euskal Sareko beste hogei erakunderen, euskal unibertsitate eta zentro teknologiko estrategikoen eta CFAAren (Fabrikazio Aurreratu Aeronautikoko Zentroa) lankidetza du. Gainera, SPRI Taldearen laguntza jaso du, Hazitek programaren bidez.
Abiadura handiko turbina berri horiek egungoa baino hiru aldiz abiadura handiagoan funtzionatu behar dute eta 200ºC baino gehiagoko tenperaturak jasan behar dituzte, eta hori erronka handia da euskal partzuergoarentzat. Horretarako, berrikuntzan eta ikerketan oinarritutako lankidetza-lan baten ondoren, turbinen fabrikazioaren funtsezko alderdiak garatu ahal izan dira: materialak eraldatzeko prozesu primarioak, fabrikazio-prozesu aurreratuak eta beharrezko ekipamendu berriak, eta prozesuaren osotasuna eta kalitate globala ziurtatzeko metodo aurreratuak.
I+G proiektu honen helburua Euskadi lehen ,mailan kokatzea da, etorkizuneko motor iraunkorren eskaerari erantzuteko. Faktoriako arduradunek azpimarratu dutenez, “lan horretan kokagune estrategiko gisa kokatzea etorkizun handia du, eta badirudi gero eta hurbilago dagoela”.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute