Galbaian, Jabetza Industrialaren eta Intelektualaren kudeaketa estrategikoa enpresa-arloarentzat
Fagor Taldeko Jabetza Industrialeko Departamentuko kideek 2011n sortu zuten Galbaian industria-jabetzari buruzko aholkularitza- eta prestakuntza-enpresa. Arrasaten (Gipuzkoan) du egoitza, eta Mondragon Korporazioko kide den kooperatiba honek bezero zorro zabala du, besteak beste, enpresa handiak, ETEak, zentro teknologikoak eta startup-ak.
Industria-arlotik datorren Industria-Jabetza Agentzia denez, Galbaianek oso ondo ezagutzen ditu enpresen beharrak, eta PI arloko zerbitzu integrala eskaintzen du. Bezeroen lehia-abantaila indartzea du ardatz bezala, PIk ematen dituen tresnak erabiliz: patenteak eta erabilgarritasun-ereduak, enpresa-sekretua, diseinuak, markak eta egile-eskubideak.
Berrikuntza teknologikoa funtsezkoa den testuinguru honetan, oinarrizkoa da enpresen ahalegin berritzailearen emaitzak behar bezala babestea, kooperatibako arduradunen arabera. “Euskal enpresak oso kontziente dira berrikuntza teknologikoak duen garrantziaz, baina kasu askotan oraindik ez dute barneratu PI tresnen potentziala, eta, zehatzago, patenteena. PIren tresnek titularrari ondasun babestua ustiatzea eragozteko eskubidea eskaintzen diote, eta, beraz, estrategia eta kudeaketa egokiarekin, funtsezkoak dira bere soluzioen balio erantsiaren edo balio-proposamenaren gaineko esklusibotasuna sortzeko”, adierazi du Ismael Igartua Galbaianeko zuzendariak. Zentzu horretan, Gipuzkoako enpresaren helburu handienetako bat bezeroei arlo horretan aholkuak ematea da.
Egile-eskubideei dagokienez, egoera jakin batzuetan komeni da beste pertsonen aurrean froga baliodunak izatea, bai egile-eskubide horiek erregistratuz, bai notarioaren aurrean, bai aldatu ezin diren proba zifratu digitalen bidez. Egile-eskubideak obra sortzen den unean sortzen dira, dela zientifikoa, artistikoa edo beste mota batekoa. “Berrikuntza teknologikoaren alorrean, egile eskubideek garrantzia dute, bereziki softwarea babestu nahi denean”, azpimarratu du Igartuak.
COVID-19k sortutako krisia gorabehera, Galbaianen PIrekin lotutako zerbitzuen eskariak ez du eragin handirik jasan; beraz, jarduera-mailak oso altua izaten jarraitu du.
Etorkizunari begira, Galbaianen helburua bezeroei laguntzen jarraitzea da eta PI arloan Euskadiko erreferenteetako bat izaten jarraitzea.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.