H-Acero, hidrogenoa erabiliz sektore siderurgikoa deskarbonizatzeko proiektua
Spri Taldearen Hazitek laguntza-programaren barnean kokatzen da H-Acero proiektua, eta Sarralle du buru, siderurgiarako ekipoen ingeniaritzan, diseinuan eta eraikuntzan espezializatutako taldea. Sektore siderurgikoa deskarbonizatzen laguntzeko sortu da, eta horretarako hidrogenoa energia-iturri alternatibo gisa erabiltzen du altzairuaren ekoizpen-prozesuaren hainbat puntutan.
Proiektuaren zuzendaritzatik adierazi dutenez, “atmosferara isurtzen den CO2 guztiaren % 9 burdinaren eta altzairuaren sektoreetatik datorrela kalkulatu da. Testuinguru horretan, sektorea deskarbonizatzea erronka handia da, eta teknologia berritzaileetan inbertitzeko beharretik abiatzen da, baita eraldaketa teknologiko baten aldeko apustutik ere, 2050. urterako zero emisio lortzea ahalbidetzeko”.
Hori lortzeko, proiektuak lau jardun-eremu ditu: bata, ekipo aurreratuak garatzera bideratua; bestea, kontsumigarrietan arreta jartzen duena (erregogorra, esaterako); hirugarrena, erregai-iturriari berari buruzkoa (H2); eta, azkenik, produkzio-prozesuarekin lotutako arlo bat. Era berean, azken fase gisa, prototipo-erakusleak eraikiko dira eskala txikian, proiektuan zehar garatutako diseinuak baliozkotzeko.
Horrekin guztiarekin, hidrogenoa siderurgiaren eremuan aplikatu ahal izateko behar den ezagutza teknologikoa lortu nahi du partzuergoak; izan ere, proiektuaren zuzendaritzaren arabera, “sektore siderurgikoko balio-kate osoak gaur egungo ingurumen-beharrei erantzuteko gai izan behar du. Hornitzaileak, azpiegiturak eta prozesuak eraldatzeko gai izan behar dugu, iturri garbien erregaietara egokitzeko, eta emaitza oso eraginkorrak lortzen jarraitu behar dugu, ekoitzitako altzairuen kalitatean eraginik izan gabe”.
Proiektuak dagoeneko bere ekuatorea gainditu du eta 2023aren amaieran amaituko da, hiru urteko lanaren ondoren. Sarrallerekin batera, sektorean erreferentzia diren beste hamaika euskal enpresa eta erakundek parte hartzen dute: Aceralava – Tubacex Group, Arcelor Mittal Olaberria-Bergara, Calcinor – Kelsen, Insertec, Nervacero – Celsa Group, Nippon Gases, Siderex klusterra, Sidenor, Tubos Reunidos Group, eta bi zentro, Tecnalia eta Ceit, biak BRTA euskal aliantzako kideak.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.