Hazitek proiektu batek Hesteetako Gaixotasun Inflamatoriorako diagnostiko-sistema eta terapia berriak garatu ditu
Faes Farma, farmazia-sektorean liderra den enpresa bizkaitarra, Hesteetako Gaixotasun Inflamatoriorako (HGI) diagnostiko-sistema eta terapia berriak garatu dituen proiektu baten buru izan da. HANTURA izena du, eta 2022-2024 aldiko Hazitek proiektu estrategikoetako bat izan da.
Horretarako, honako hauen laguntza izan du: Arabako i+Med kooperatiba, farmazia- eta bioteknologia-arloko soluzioen garapenean espezializatua; Gipuzkoako Naru Intelligence healthtech startup-a, AAk sustatutako software-soluzioak garatzen, baliozkotzen eta ezartzen espezializatua, pazienteen datu klinikoetatik abiatuta ebidentzia zientifikoa eta terapeutikoa sortzeko; eta The Art of Discovery (TAD) enpresa bizkaitarra, giza gaixotasunak tratatzeko konposatu berrien ebaluazio aurreklinikorako irtenbide teknologiko berritzaileak garatzen dituena.
Joan den abenduaren 31n amaitu zen proiektuan, bazkide bakoitzak I+G+Bko jarduera zehatzak eta proiektuaren helburuarekin lotutakoak egin ditu. Faes Farma HGIa tratatzeko farmako berrien garapenean zentratu da. Bitartean, I+Med gaixotasunaren tratamendurako printzipio aktiboen askapen kontrolaturako bideratze-sistemen garapenean kontzentratu da; Naru gaixotasunaren jarraipenerako eta ikerketa asistentzialerako teknologiaren garapenean; eta, azkenik, TAD HGIa aztertzeko eredu esperimental berrien garapenean.
HANTURAk, gainera, Zientzia, Teknologia eta Berrikuntzaren Euskal Sareko (ZTBES) eragileen parte-hartze zabala izan du: Tecnalia; CIC bioGUNE; CIC biomaGUNE; Gaiker; Vicomtech; Euskal Herriko Unibertsitateko (EHU/UPV) Metodologia Sintetiko Berrien Taldea; UPV/EHUko Mikro eta Nano Teknologia, Biomaterial eta Zelulen Taldea (NanoBioCel); UPV/EHUko METABOLOMIPs ikerketa-taldea; Plentziako Itsas Estazioa (UPV/EHU); Biofisika Bizkaia Fundazioa; eta BIOEF – Berrikuntza + Ikerketa + Osasuna Eusko Fundazioa (BioCruces, BioAraba y BioDonostia).
Sare zabal horri esker, proiektua emaitza positiboekin amaitu da. Zehazki, Faes Farmak Mesalazinazko bi sendagai berri garatu ditu, eta agentzia arautzaileek onartu ondoren, HGIa duten pazienteentzako tratamendu-aukerak zabalduko dituzte. Era berean, “drug discovery” programaren barruan, molekula berri bat hautatu da garapen aurreklinikorako.
Aldi berean, i+Medek HGIa tratatzeko formulazioen hiru prototipo lortu ditu. Naruk, gainera, laguntza-oinarria duen datu-eredu bat garatu du, eta horren gainean aplikazio mugikor bat eraiki du, HGIa duten pazienteek beren osasun-egoeraren berri eman dezaten. Aldi berean, Machine Learning-en algoritmo bat garatu da asistentzia-datu berriak modu sintetikoan sortzeko, hipotesi prediktiboen ikerketa sustatzeko helburuarekin. Azkenik, TADek gizakien translazioa mugatzen duten egungo eredu esperimentaletan dauden arazoak identifikatu ditu, eta giza erantzun immunologikoa duen HGI eredu esperimental bat proposatu du, gaixotasuna hobeto ulertzeko eta gizakietara estrapolatu daitezkeen emaitzak lortzeko.
“Emaitza horiek HGI tratatzeko sendagai berriak izatea dakarte, Faes Farmaren porfolioa osatuko dutenak. Era berean, HGIren tratamendurako alternatiba terapeutiko berrien garapenean aurrera egiten laguntzen dute, etorkizunean i+Med produktuen zorroa zabalduko dutenak. Bestalde, aukera ematen diote Naruri tresna digitalak izateko HGIa duten pazienteen arreta asistentziala hobetzeko, eta TADri, berriz, garrantzi traslazional handiagoko HGIren eredu bat lortzeko, gaixotasuna hobeto ulertzea erraztuko lukeena, giza pazienteetara emaitzak zehatzago estrapolatuz eta terapia eraginkorragoen garapena azkartuz”, dio partzuergoak.
Hemendik aurrera, bazkide bakoitzak aurreikusitako jarduerekin jarraituko du. Horien artean, Faes Farmak molekula berriaren garapen aurreklinikoa eta Mesalazinako bi sendagai berrien garapen klinikoa amaituko ditu, agentzia arautzaileek onar ditzaten eta ondoren merkaturatu daitezen; eta I+Medek azken formulazioaren garapena eta eskalatze-prozesuen optimizazioa izango ditu ardatz. Bestalde, Naruk eta TADek produktu/zerbitzu lerro berri bat irekitzea baloratuko dute, HGIren eremuan merkatu-nitxo berriak eskuratzeko aukera emango lukeena”.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.