HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Hidrogenoak erregai fosilen ordezko izateko potentziala du, energia-dentsitate handia eta iturri berriztagarrietatik sortzeko aukera baitu. Baina, erabat aprobetxatu ahal izateko, teknologia seguruak eta eraginkorrak garatu behar dira ekoizteko, biltegiratzeko eta erabiltzeko. Era berean, hornidura-azpiegitura irisgarria eta ekonomikoki bideragarria ezarri behar da.
Marko horretan, HIMUGI proiektua sortu zen, hidrogenoaren propultsio-sistema bat lortzeko helburuarekin, mugikortasunean eta garraioan aplikazioak izango dituena, eraginkorragoa, iraunkorragoa eta seguruagoa. Argolabe da buru, material konplexuen kalkuluan eta dimentsionamenduan aditua den Durangoko enpresa, eta SPRIren dirulaguntza jaso du I+Grako laguntzen Hazitek programaren bidez.
HIMUGIk hidrogenoarekin lotutako ikerketan eta teknologian aurrera egin nahi du eta hidrogenoaren erabileraren bideragarritasuna frogatu. Lehenengo xedea hidrogeno jasangarriagoko depositu zilindrikoak (IV. motako tankeak tutu erako konfigurazioetan) diseinatzea eta fabrikatzea da. Hori lortzeko, material bio-oinarritu berriak aztertu nahi ditu, ingurumen-aztarna murrizteko, errendimendua arriskuan jarri gabe.
Bestalde, metalezko osagai kritikoei buruzko ikerketan aitzina joan nahi du. Zenbait erronkari aurre egin nahi die, hala nola hidrogeno bidezko hauskortasunari eta fabrikazio gehigarriko tekniken optimizazioari, geometria konplexuen osagaiak kontrol termikoarekin eta ihesekin ekoizteko.
Azken fokua segurtasun integralean dago. Metodologia aurreratuak eta tresna digitalak inplementatu nahi ditu, hainbat erabilera-agertoki simulatzeko eta balizko arriskuak aurreikusteko. Puntu beroak kontrolatu eta sentsorizatu nahi ditu, eragiketa seguruagoa eta fidagarriagoa bermatzeko.
HIMUGI proiektuak hiru urteko iraupena izango du, 2026an amaitzea aurreikusten da, eta euskal enpresen arteko lankidetzaren adibide bikaina da. Argolabe da buru, Mariskone, Industrias Plásticos Castro, ULMA, Optimus3D, Tamoin, Trafag, Fidegas, Team Ingeniería eta IK Ingeniería ditu bazkide, eta CAF, CEIT, CIDETEC, Tecnalia eta Euskadiko Energia Klusterra ditu laguntzaile.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du