Hiri-arkitektura, trantsizio energetikorako aliatua

“Solar Skins, An Opportunity for Greaner Cities" txostena SolarPower Europe elkarteak argitaratu du

Tecnaliak eguzki-inguratzaileek hirietan ekar ditzaketen onurei buruzko ikerketa batean parte hartu du

Tecnalia korporazio teknologikoak eguzki-energia fotovoltaikoa eraikuntzan eguzki-inguratzaileen bitartez integratzeko moduei buruzko ikerketa batean parte hartu du, eta lan horren arabera, hiri-arkitektura aliatu bihur daiteke karbono gutxiko energia-sorkuntzaren aldeko trantsiziorako.

SolarPower Europe eguzki-energiaren Europako elkarteak argitaratutako “Solar Skins, An Opportunity for Greaner Cities” delako txostenak neurri jakin batzuk finkatu ditu energia fotovoltaikoa eraikuntzan integratu eta aukerak sortzeko, eta teknologia honen diseinuaren malgutasuna nahiz heldutasun tekniko handia nabarmendu ditu.

Hauxek dira bertan bildu diren proposamenetako batzuk: eraikin publikoak eraikin energetikoak bihurtzea eguzki-panel inguratzaileen bitartez, jabetza pribatuen titularrentzako finantzaketa-sistema berriak sustatzea, eta eraikin zein garraioen elektrifikazio sistematikoa bultzatzeko pizgarriak abian jartzea.

Tecnalia BRTA (Basque Research and Technology Alliance) Partzuergo Zientifiko-Teknologikoko kidea da Euskadiko beste 15 eragile zientifikorekin batera.

Tecnaliaren bideo korporatiboa