Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Mikel Jauregi sailburua SPRI Taldeko zuzendari nagusia den Jon Ansoleagarekin batera joan da bilerara. Biek aukera izan dute ULMAren politika dibertsifikatzailea bertatik bertara ezagutzeko. Industriarako soluzio teknologiko aurreratuen garapenean, proiektuaren jasangarritasunaren aldeko apustuan eta eredu kooperatiboaren indartzean oinarrituta dagoen politika da.
Bileran Iñaki Gabilondo ULMA Taldeko zuzendari nagusiak eta Ibon Calvo presidenteak parte hartu dute, beren zuzendaritza taldeko kide batzuk lagunduta, eta bertan etorkizuneko erronka batzuk ere jorratu dituzte, neurri handi batean nazioarteko testuingurua igarotzen ari den ziurgabetasun egoerak. Estatu Batuetako muga zerga politikari emandako erantzuna, trantsizio energetikoaren erronka edo talentu beharra izan dira bileran aztertutako beste gai batzuk, eta Iñaki Gabilondo ULMA Taldeko zuzendari nagusiak azpimarratu du “ULMAk munduan duen plantilla osatzen duten 5.600 pertsonetatik 3.000 inguruk Euskadin lan egiten dutela, eta horrek gure errotzea eta ingurunearekin eta pertsonen ongizatearekin dugun konpromisoa indartzen dituela”.
Bestalde, Mikel Jauregi Industria, Trantsizio Energetiko eta Jasangarritasun sailburuak hau adierazi du: “ULMA Taldeak oso gurea den zerbait islatzen du Euskadin, espiritu kooperatiboa, non enpresako kide guztiak aldi berean helburu komun baterantz arraun egiteko gai diren. Ziurgabetasuna nagusi den une honetan, ULMAk industriaren aldeko apustu irmoa egiten du, etorkizunera begira, inbertitzen, berritzen eta kalitatezko enplegua sortzen jarraitzeko borondatearekin. Hori bat dator Eusko Jaurlaritzak industria gehiago, industria hobea eta emisio gutxiago izatearen alde duen estrategiarekin. Ziurgabetasunaren aurrean, herritarrei eta enpresei segurtasuna eta ziurtasuna ematea dagokigu, eta horretarako Euskadiren apustua argia da: industria gehiago eta Europa gehiago”.
ULMA FORGED Solutions
ULMA Forged Solutionsen lantegi nagusira egindako bisitan, lantegiko CEOak, Meritxell Sanchezek, azaldu du nola urte honetan kooperatibak “inbertsio produktibo garrantzitsuei aurre egingo dien gure lehiakortasuna indartzeko eta Adimen Artifiziala eta digitalizazioa barne hartzen duten I+G proiektuekin soluzio berritzaile eta irekiak garatzeko, prozesu eta produktu berrien kudeaketa aurreratu baterako”.
ULMA Forged Solutions 1962an sortu zen Oñatin. Oil&Gaseko industriarako bridak hornitzen liderra da munduan, baina bere produktu katalogoan espezifikazio handiko beste osagai forjatu mota batzuk ere sartu ditu beste sektore batzuetarako, hala nola eolikorako, aerospazialerako, trengintzaren sektorerako edo ekipo ondasunen sektorerako. Bere berrikuntza planean materialen portaeran exijentzia maila handia duten prozesuak eta produktuak garatzeko I+Gko hainbat proiektu agertzen dira.
Kooperatibak 500 lagun inguruko plantilla du, eta 140 milioi euroko negozio bolumena, 2023. urtean. Ekoizten duenaren %90 70 herrialde baino gehiagotara esportatzen du. Estatu Batuak, Kanada, Ekialde Ertaina eta Europa dira bere merkatu nagusiak.
ULMA Taldeari buruz
ULMA Taldea bederatzi kooperatiba industrialek osatzen dute, eta kooperatiba horiek 5.600 pertsonari ematen diete enplegua eta 81 herrialdetan jarduten dute. 2023an 1.142 milioi euroko salmenta konpilatuen bolumena izanik, ULMA Taldea euskal mugimendu kooperatiboaren kasu arrakastatsua da.
Sortu zenez geroztik, bere negozioak eta jarduerak modu konstantean hazi eta dibertsifikatu dira, ingurunearekin konprometitutako proiektu sozioenpresarial bat bultzatzeko ikuspegitik.
ULMAren bederatzi negozioak erreferentzia dira askotariko sektore industrialetan, eta eraikuntzarako soluzioak, packaging makinak, biltegi adimendunak, forja, drainatze eta arkitekturako sistema aurrefabrikatuak, zinta garraiatzaileetarako arrabolak, manutentzio zerbitzuak, berotegien fabrikazioa edo elektronika txertatua eskaintzen dituzte. ULMA Taldearen azken apustu berritzaileak Adimen Artifiziala osasunaren esparrura hurbiltzen du gaixotasun batzuen detekzio goiztiarrerako.
Lotutako albisteak
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Etxetar, errekuntzako motorrentzako eta ibilgailu elektrikoentzako ekoizpen-sistema aurreratuak egiten dituen munduko ingeniaritza liderra
Elgoibarko enpresak SPRI Taldearen zibersegurtasuneko dirulaguntza-programa jaso du eta proiektu bat egin du freno-diskoen kutsadura mugatzeko.
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.
Vaillant Groupek aire-ur bero bonba berri bat merkaturatu du, eraginkorragoa eta zarata-mailak murrizten dituena
Behin Split proiektua amaituta, Europako merkatuan makinak merkaturatzen hasi da, eta 30.000 salmenta izatea aurreikusten du. SPRI Taldearen Hazitek Laguntza Programaren babesa jaso du.