Innobasqueren “Berrikuntza-profilak” Europako Batzorderaren aintzapespena jaso du ETE-en Berrikuntza-kudeaketa hobetzeko tresna giza
Europako Batzordeak Innobasque Berrikuntzaren Euskal Agentziaren berrikuntza-profila aintzatetsi du ETE-en berrikuntza kudeatzeko gaitasuna hobetzen duen tresna gisa. Berrikuntza-prozesuak modu aktibo eta kontzientean kudeatzeari esker, enpresek beren negozioak eraldatu ahal izaten dituzte, baita produktu hobeak eskaini, prozesu hobeak egin eta balioa eta onurak eraginkortasun handiagoz sortu ere.
2018an abian jarri zenetik, guztira 336 enpresak (% 90 ETEak) ezagutu ahal izan dute beren berrikuntza-maila, eta txosten xehatu bat jaso dute. Txosten horrek beren hobekuntza-arloa identifikatu eta gomendio eta konponbide zehatz eta indibidualak proposatzen ditu.
Europako Batzordearen Enpresa Txiki eta Ertainen Agentzia Exekutiboak (EASME) 2020an balioztatu zuenetik, zerbitzu hori Enterprise Europe Network nazioarteko sarearen ETE-en berrikuntza eta nazioartekotzea babesteko jardueren barruan sartzen da, eta Euskadiko nodoa Spri Taldea, Innobasque, Beaz eta Arabako, Bilboko eta Gipuzkoako merkataritza-ganberek osatzen dute.
Profila eta gomendioak
Berrikuntza-profilak egiteko, elkarrizketa pertsonalizatuak egiten zaizkie enpresei, metodologia propio bati jarraituz. Aztertutako ETE-ek egoera-txosten bat jasotzen dute, beren berrikuntza-maila eta lehiakortasuna jaso, hobetzeko arloak identifikatu eta gomendio eta konponbide zehatz eta indibidualak proposatzen dituena.
Innobasqueren ekimena ez da amaitzen berrikuntza-profila egin duten enpresei beren txosten xehatua aurkeztearekin. Hobekuntza-ekintzak identifikatu eta enpresaren erronka eta interesekin lerrokatuta egongo diren konponbideak proposatu ondoren, bigarren fasean akonpainamendu-lanak egiten dira, eta enpresak zuzenean jartzen dira harremanetan berritzeko eta/edo parte-hartzeko proiektuak eta konponbideak eskain diezazkieketen eragileekin.
Azken fasean, Innobasquek jarraipena egiten die jaso dituzten gomendioak oinarritzat hartuta enpresek martxan jarritako ekintzen emaitzei, proposatutako konponbideen eraginkortasuna zein den jakiteko.
Innobasquek erakunde bazkideei profila egin zienean abiarazi zerbitzu hori, eta esperientzia beste enpresa txiki eta ertain batzuetara zabaldu du, 26 bitarteko eragileren lankidetzaren bitartez, hala nola, elkarteak, klusterrak edo garapen-agentziak; berrikuntza-profilen inguruko prestakuntza eman die horiei guztiei Innobasquek. Honako hauek dira kolaboratzaileak: Aclima, Amurrio Bidean, Durangaldeko Enpresa Elkartea, Ermuako Udala, Galdakaoko Udala, Leioako Udala, Azti, BIC Bizkaia Ezkerraldea, Bidasoa Activa, Somorrostro Prestakuntza Zentroa, Elikadura Klusterra, Debagoieneko Mankomunitatea, Debegesa, Egaz Txorierri, Enkartur, Errota Fundazioa, Goieki, Gorbeialde, Hazi, Inguralde, Konfekoop, Lanbide Ekimenak, Leartiker, Durangoko Merinaldearen Amankomunazgoa Behargintza, Meatzaldeako Behargintza eta Mungia Behargintza.
Horrela, Berrikuntzaren Euskal Agentziak bultzada handia eman dio Euskadiko ETE-en berrikuntza-jarduerari nola eta non berritu azaltzen dien tresna horrekin, modu xehatu eta sistematikoan testatuz beren berrikuntza-gaitasunak.
Pandemiak berritzeko beharra handitu du
Egindako profilen analisitik ondorioztatutakoaren arabera, pandemiak areagotu egin ditu aztertutako enpresen berrikuntza-erronkak, eta agerian jarri du bezeroekiko kontaktua arindu eta sendotzeko prozesua berritzeko beharra, handitu egin baititu oztopoetako batzuk, besteak beste, finantzaketa lortzeaeta pertsonak kudeatzea. Marketinarekin, barneko antolakuntzarekin eta pertsonen kudeaketarekin lotutako berrikuntza-jarduerak, non Euskadiko ETE-ek hobekuntza-marjina handiagoa duten, lehentasunezkoak bihurtu dira.
Berrikuntza-profila egin zuten konpainia gehienentzat, kalitate-balioaren proposamena hobetzea da berritzeko motibazio handiena, eta, ondoren, produktuen kalitatea eta gama hobetzea eta merkatu eta bezero-segmentu berrietara iristea. Berritzerako orduan interesgarrienak diren arloak negozio-eredu berriak, berrikuntza-prozesuen sistematizazioa eta marketinaren nahiz salmenten digitalizazioa izan dira.
“Berritzen lagunduko dizugu”, ETE-en zerbitzura dagoen estrategia
“Berrikuntza Profila” Innobasquek abian jarritako beste ekimen batzuek osatzen dute, eta helburu berbera dute: Euskadiko ETE-ek I+G+b-ren alde egitea oraingo eta etorkizuneko lehiakortasuna ziurtatzeko. Berrikuntzaren Euskal Agentziaren “Kasu Praktikoen Bankua“: bertan, enpresek kontsultak egin ahal izango dituzte, bertatik bertara jakiteko nola erantzun dieten beste erakunde batzuek beren antzeko beharrei eta erronkei. Bankuak hainbat sektoretako esperientziak ditu, ibilbide historikoa duten eta birmoldaketa industrialaren prozesua egin behar izan duten enpresetatik hasi eta ekintzailetza eta startup ekimenetatik sortutako ETE-etara.
Innobasquek ETE-en esku jarriko duen hirugarren tresna digitala abian egongo da laster, eta aukera emango die “Berrikuntzaren Mapa” bat izateko, Berrikuntzaren Euskal Sistemako eragileek haien eskura jartzen dituzten irtenbideak bilatzeko eta aurkitzeko, baita horiek lortzeko kontaktu zehatza eskuratzeko ere.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.