Irisbondek Hiru sortu du, begiradaren bidez igogailuari deitu edo dirua ateratzeko aukera ematen duen gailua
Datorren urtarrilean egongo da salgai munduko lehen ‘eye-tracking’ multiplataforma. Hiru du izena, eta Irisbond euskal enpresa gazteak bultzatzen du, 2013an sortu zena Basque Research & Technology Centerren) integratutako Vicomtech zentro teknologikoaren eskutik.
Zer esan nahi du ‘eye-tracking’ kontzeptuak? Begizko jarraipenaren printzipioan oinarritutako sistema bat da, ordenagailu bat begiak mugituz modu zehatz eta intuitiboan kontrolatzea ahalbidetzen duena. Erabilgarritasunak anitzak dira.Hiruk hainbat gailutako sistema eragile guztiekin bateragarria izateko ahalmena du: ordenagailuak, tabletak, kutxazainak, igogailuak edo sarbide-kontrolak. Pantailaren ondoan jartzen den barra itxurako gailu honek, gure begirada zuzentzen ari garen lekura mugitzen du puntakoa.
Donostiako enpresa honek sortu duen teknologiak denbora luzez probatu da, baina orain arte inork ez du merkaturatu. Egia esan, Hiru, bere izenak berak dioen bezala, Irisbondek ‘eye-tracking’ teknologiarekin garatutako hirugarren produktua da. Bere ezaugarri nagusia edozein sistema eragilerekin funtzionatzen duela da: Windows sistemarekin ez ezik, iOS, Android edo tablets Wacom sistemekin ere funtzionatzen du.
Hiru saguaren alternatiba gisa hartu daiteke. Antzera funtzionatzen du eta kurtsorea begiekin mugitzeko aukera ematen du, behar dugun lekuan sakatzeko; teklak idazteko, edo erlaitz jakin batean klikatzeko. Hainbat sentsore optiko ditu, 60 fps-rainoko grabazioarekin (segundoko fotogramak) eta bost orduko autonomia du.
Enpresa gipuzkoarraren kalkuluen arabera, begi-jarraipeneko teknologiak hazkunde esponentziala izango du, hemendik bost urtera hiru aldiz handigoa izango da. Batez ere, asistentzia-komunikazioan, baina baita automobilgintzan, robotikan, osasunean edo hezkuntzan ere.
Irisbondek bere berrikuntzak hobetzeko ikertzen jarraitzen du. MITekin elkarlanean aritzen da bere algoritmoak hobetzeko eta Cambridge Innovation Center-en laguntza jaso du. Espainia eta EBz gain, Estatu Batuetan eta Kanadan presentzia du, eta Asian zabaltzeko asmoa du.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.