Jaione Ganzarain: “Lortek ireki bat nahi dugu, inguruko agente teknologikoekin lan egiten duena”

Jaione Ganzarain Lortekeko zuzendari nagusia

Lortek zentro teknologikoak berriki onartu du bere 2022-2025 Plan Estrategikoa, zeina bost ildo nagusitan oinarritzen den. Bere zuzendari nagusiak, Jaione Ganzarainek, kanpoaldera zuzendutakoetan eta barrualdera zuzendutakoetan banatzen ditu. Lehenengoen barruan honako hauek nabarmendu ditu: “bezeroarekiko harremana eta transferentzian haztea”; “fabrikazio-prozesuen digitalizazioan, lotura-teknologietan eta metalen fabrikazio gehigarrian espezializatutako zentroa izatea”; eta “Lortek ireki bat izatea, inguruko agente teknologikoekin lan eginez”. Barrualdera begira, “kultura kooperatiboa eta pertsonak garatzea” eta “gestioaren bikaintasuna” dira erronka nagusienak. 

Plan hori, era berean, Euskadi 2030 Zientzia, Teknologia eta Berrikuntza Planarekin lerrokatzen da. Lortek industria adimendunean zentratzen da, eta, horretarako, oso erronka argiak ditu: “Materialen arloa indartzea, 0 aztarna kontuan hartuz, fabrikazio-prozesu malguak ezartzea eta negozio-eredu berriak lantzea datu-bilketaren eta IoT-ren bidez”.  

Zentro teknologikoak abian jarritako ekimenen artean bi berrikuntza disruptibo daude eta Europako Batzordearen Innovation Radar plataforman sartu dira. Horizon 2020 programak finantzatutako HyperCOG proiektu europarraren barruan garatu dira. 

Lehenengoan, Lortekek termografia teknologia erabiltzen du “burdingintzako prozesuan koilara adimenduen tenperatura kontrolatzeko, fabrikazio-prozesuaren baldintzak hobetzeko”.  

Bigarrenean, software bat garatzen ari dira, CyberServices eta DFKI Alemaniako ikerketa zentroarekin elkarlanean: “Sistema industrial ziberfisiko bat lortzea da asmoa, adimen artifiziala erabiliz eta ikerketa prozesua hobetuz”. 

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu. 

Lotutako albisteak

28 ekaina, 2024 I+G

‘INDARPAK Precision’, zure mekanizazio kidea

Irakurri gehiago

28 ekaina, 2024 I+G

Repapel proiektuak paper-industriaren zirkulartasuna areagotzen duten konponbideak eskaintzen ditu

Irakurri gehiago

26 ekaina, 2024 I+G

H-ACERO proiektuaren helburua sektore siderurgikoa deskarbonizatzea da, hidrogenoaren bidez, ordezko iturri gisa

Irakurri gehiago

24 ekaina, 2024 I+G

Geolarrea, ia 30 urte geologian eta geoteknian jarduten

Irakurri gehiago

13 ekaina, 2024 I+G

Incomimexek arrakasta kasu berri bat osatu du automozioaren sektoreko enpresa garrantzitsu batekin

Irakurri gehiago

Joan blog-era