Konputazio kuantikoa aurrera doa Euskadin adimen artifiziala sustatzeko KUBIT proiektuarekin

Konputazio kuantikoa etengabeko bilakaeran dago, eta konputazio klasikoaren gaitasunak gainditzen dituzten arazo konplexuei aurre egiteko funtsezko teknologia gisa agertzen da, batez ere gero eta interkonektatuago dagoen mundu batean. Adimen artifizialaren garapena gidatzeko duen potentzialarekin, KUBIT proiektua bezalako ekimenen bidez, Zientzia, Teknologia eta Berrikuntzaren Euskal Sareak euskal ekosistemaren lehiakortasuna indartu nahi du. 

KUBIT proiektuak –Kuantikaren Berrikuntzarako Ikasketa Teknologikoa– konputazioko eta simulazio kuantikoko metodoak, algoritmoak eta hurbilketak ikertzen ditu, euskal industria-sektorean adimen artifiziala osatzeko eta haren eragina eta heldutasuna ebaluatzeko. Tecnalia ikerketa zentroak, lideratzen du eta, bertan, Ibermática Fundazioa, Ikerlan, Lortek, Tekniker, Mondragon Unibertsitatea, UPV/EHU eta Vicomtech enpresek parte hartzen dute, SPRI Taldearen laguntzarekin, Elkartek programaren bitartez.

Ekimena bazkideen ikerketetatik eta identifikatutako konputazio-arazo batzuetatik sortu zen, euskal industriaren premia komunei lotuta daudenak. KUBIT proiektuak jabetza industrialeko aktiboen zorroa garatu nahi du konputazio kuantikoaren eremuan, ingurune industrialeko arazo tipikoak konpontzera eta hardware kuantiko aurreratuena erabiliz erronka konputazional konplexuei aurre egiteko teknikak sortzera bideratua. 

Halaber, teknologia kritikoen burujabetza lortzeko Europako estrategiari laguntzen dio, baita Europak Adimen Artifizialaren balio-kate osoan funtsezko gaitasunak dituela bermatzeko estrategiari ere. 

Ekimena aktibatzeko, partzuergoak honako hauen laguntza ere izan du: BasQ, Bizkaiko Foru Aldundia eta bere Bizkaia Quantum Industrial Hub, Gipuzkoako Foru Aldundia, Arabako Foru Aldundia, BAIC-Basque Artificial Intelligence Center, GAIA klusterra, IBM, CAF (Construcciones y Auxiliar de Ferrocarriles), ERICTEL, Euskaltel, Petronor eta Telefónica. 

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.