Laser4Surf, litiozko baterien karga eta gaitasuna handitzea helburu duen proiektua
Gaur egun, ion-litio baterietan zentratutako proiektu ugari daude, energia gehiago metatzen baitute eta ohiko bateriek baino leku gutxiago hartzen baitute, errendimendu handiagoa eta eraginkortasun energetiko handiagoa izateaz gain. Proiektu horietako bat Laser4Surf deitzen da, eta europako ekimen horretan bi euskal ikerketa-zentrok parte hartzen dute: Ceit eta CIC EnergiGUNE.
Proiektuan parte hartzen duten bi zentroak Basque Research & Technology Alliancen (BRTA) parte dira. Proiektu horren helburua azalera metalikoak funtzionalizatzeko eskala handiko laser-teknologiaren erabilera ikertzea da. Titanioa, altzairu herdoilgaitza eta kobrea dira probatu diren hiru materialak, eta hiru erabilera zehatzetan aplikatzeko balioztatu dira: inplanteak, kodegailu linealak eta bateriak.
Ceit izan da proiektuaren koordinatzailea, eta, gainera, aipatutako hiru aplikazio-eremuen garapenean lan egin du. Lan horri esker, software-plataforma bat garatu du, laser-sistema baten azken erabiltzaileari prozesuaren parametroak automatikoki hautatzeko aukera ematen diona, LIPSSak (laserrak eragindako azalera periodikoko egiturak) sortzeko prozesu osoa ulertu beharrik gabe. Horrek, neurri handi batean, prozesu horien ezarpen industriala errazten du.
Bestalde, CIC energiGUNEk proiektuan parte hartu du kobrezko gainazal egituratuak maila nanometrikoan balioztatzen, ion-litiozko baterietarako korronte-kolektore gisa. Korronte-kolektorearen azaleraren aldaketa horri esker, elektrodoaren eta kolektorearen arteko atxikipen hobea lortu da, bai eta azalera-unitate bakoitzeko material aktibo gehiago ere. Gainera, elektrodoa prestatzeko ura disolbatzaile gisa erabiltzea ahalbidetu du, lurrun toxikoak sortzen dituzten disolbatzaile organikoak erabili beharrik gabe.
Proiektu honen jarduerak bateriaren egonkortasuna handitzea lortu du, eta horrek denbora gehiago erabiltzea eta karga-abiadura handitzea dakar. Laser4Surfen garatutako nano-egituraketari esker, bateriak azkarrago kargatu eta deskarga daitezke, korronte-dentsitate altuagoak mantentzen dituzten bitartean.
Bi euskal ikerketa-zentroez gain, Fagor Automationek ere parte hartu du Laser4Surfen, zehazki, encoder-en fabrikazioa hobetzea ardatz duen proiektuaren beste adar batean. Tresna horiek hainbat sektoretan erabiltzen dira, hala nola sektore aeroespazialean edo makina-erremintan. Europako ekimen honen bidez, haien gaitasuna hobetu nahi izan da, azkarragoak, eraginkorragoak izan daitezen eta errepikakortasun handiagoa izan dezaten.
Ceit, CIC energiGUNE eta Fagor Automationekin batera, Europako beste bost erakundek hartu dute parte proiektuan: Lasea, Multitel, Iris, Rescoll y The European Science Communication Institute (ESCI).
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.
Vaillant Groupek aire-ur bero bonba berri bat merkaturatu du, eraginkorragoa eta zarata-mailak murrizten dituena
Behin Split proiektua amaituta, Europako merkatuan makinak merkaturatzen hasi da, eta 30.000 salmenta izatea aurreikusten du. SPRI Taldearen Hazitek Laguntza Programaren babesa jaso du.
Imanol Pradales Lehendakariak etorkizuneko abiazioa bultzatuko duen ITP Aero zentro berria inauguratu du
Imanol Pradales Lehendakariak eta Pedro Sánchez presidenteak ITP Aeroren ADMIRE zentroa inauguratu dute gaur goizean Zamudion, 24 milioi euroko inbertsioarekin eta 150 enplegu kualifikatu baino gehiagorekin. Zentro horrek berrikuntza eta jasangarritasuna sustatuko ditu hegazkingintzan Euskadin