Leartiker animalia-jatorriko elikagaien nutrizio-kalitatea hobetzeko proiektu baten buru da
Leartiker zentro teknologikoak hobetutako nutrizio-kalitatea duten haragi- eta esneki-elikagaien kontsumoak pertsonen osasunean izan dezakeen eragina ikertzen du proiektu berri batean. NUTFOODek animalien elikaduran tokiko ekoizpeneko hazi oleaginosoen olioak eta opilak gehitzea proposatzen du. Horiek, “azken produktuaren nutrizio-kalitatea hobetuko dute, kontsumitzaileen osasunean onurak eraginez”, azaldu du zentro teknologikoak.
“Gaur egun, kontsumitzaileek gero eta elikagai osasungarriagoak eta naturalagoak eskatzen dituzte. Horregatik, elikagaien industrian, normalean, osasunerako onuragarriagoak diren elikagaiak birformulatzen lan egiten da, hain onuragarriak ez diren osagaiak murriztuz”, adierazi du Mondragon Korporazioaren Bizkaiko kooperatibak. Proiektu honetan, ordea, animalien elikadura da kontuan hartzen den esparru garrantzitsuena, horiek jaten dituzten lehengaien nutrizio-hobekuntzatik abiatuta, elikagai “osasungarriagoak” lortzeko.
Proiektua hiru ekintza-ildotan oinarritzen da: lehena, animalien elikaduraren azterketa, elikaduraren kalitatea optimizatzea helburu duena, produktu egoki eta osasungarri bat lortzeko; bigarrena, haragi- eta esneki-produktuen garapena; bertan, landutako elikagai “prototipoetan” (esnekiak eta haragiak) nutrizio- eta zentzumen-kalitatea mantentzen den aztertzen da; eta, hirugarrena, saiakuntza klinikoa, produktu prototipo horiek giza osasunean izan ditzaketen ondorio onuragarriak ikertzen dituena.
Horretarako, kooperatiba teknologikoan hazi oleaginosoen olioak eta opilak (hotzean prentsatua) lortzeko teknologiak dituzte, bai eta elikagaien prototipoak garatzeko instalazio pilotu bat ere. Aldi berean, lehengai guztien eta proiektuan zehar lortutako elikagaien nutrizio-profila “oso sakon” aztertzeko aukera ematen duten teknikak dituzte.
Nutfood abian jarrita, “hobekuntzak ematen dizkiogu nekazaritza-sektoreari, tokian ekoitzitako lehengai alternatiboak erabiliz, 2030erako Euskadiko Ekonomia Zirkularraren Estrategiaren ildoari jarraituz. Gainera, abeltzaintzan ingurumen-inpaktua murrizten laguntzen da, lehengai horien garraio-beharrak eta ardien metano-isurketa propioak murrizten baitira. Elikagaien industriak elikagai osasungarriagoak izatea ere ahalbidetzen da, haien osasunagatik gero eta kezkatuago dauden kontsumitzaileen egungo eskariari erantzuteko “, azaldu du Leartikerrek.
Berrikuntzaren aldeko apustu horrek interesa piztu du dagoeneko; izan ere, zentro teknologikotik diotenez, elikadura-kateko zenbait enpresak proiektuaren emaitzetan interesa dute, hala nola, lehen sektoreko hainbat eragilek, esnekiak eta haragiak eraldatzen dituzten enpresek, banaketa-enpresek eta Euskadiko Elikaduraren Clusterrak. “Nutfooden egingo diren esnekiek eta haragi-produktuek aukera ematen dute kalitate bereiziko produktuak balioesten dituzten merkatu berriak irekitzeko. Hori etiketa bereiziekin gauzatu liteke, kontsumitzailearentzat osasungarriak diren PUFA [gantz-azido poliinsaturatuak] eta antioxidatzaileak dituzten produktu-mota horietarako kalitate-marka edo label espezifiko bat sortuz “, hausnartu dute teknologia-zentrotik.
Leartikerrez gain, SPRI Taldearen ELKARTEK 2020 Programak babestutako proiektu honetan parte hartzen dute Neiker (BRTA euskal aliantzako kidea), EHU/UPV Metabolomips eta Tecnalia k, guztiak ere Zientzia, Teknologia eta Berrikuntzaren Euskal Sareko eragileak. Ikerketak 2020ko uda hasieran hasi ziren, eta 2021 amaieran bukatzea aurreikusita dago.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.