Mecapres 4.0, sistema mekatronikoen bizitza iragartzeko diseinu-teknologia
Industria adimenduna errealitate bat da jada, eta abiadura eta exijentzia handiz egiten du aurrera, aurre egin beharreko erronka berriak utziz. Mecapres 4.0 ikerketa proiektuak horietako bati irtenbidea ematea du helburu: 4.0 industriako osagaien eta makineriaren portaera akatsak.
“Denborarekin, makineriaren osagaiek higadurak izaten dituzte, besteak beste, lasaierak, muntaiaren desdoikuntzak, beroketa termikoak edo egiturazko kalteak direla eta. Gaur egun, ez dugu osagai horiek zer bilakaera izango duten aurreikusteko eredurik, eta, beraz, ezinezkoa da prebentzio-neurriak hartzea”, azaldu du Mario Javier Cabello Ulloak, Ikerlaneko Mecapres 4.0ko arduradunak, zeina ikerketa-proiektuaren liderra den.
Hortaz, Mecapres 4.0k diseinu mekatronikoan jauzi teknologiko hori ematearen arduraduna izan nahi du. Horretarako, proiektuaren esparruan, diseinu-fasetik sistema mekatronikoek beren bizi-zikloan izango duten bilakaera zenbatestea ahalbidetuko duten diseinu prediktiboko tresnak garatuko dira. Horrela, enpresak sistemen portaera-akatsei aurrea hartzeko gaitasuna du, eta horrek ekoizpenean geldialdiak eta akatsak saihestuko ditu.
Adimen artifiziala eta big data, 5G eta IoT teknologiak eta sistema ziberfisikoak izango dira, besteak beste, soluzio horiek garatzeko erabiliko diren teknologiak. Cabelloren arabera, “ekoizpenean geldialdi larriak % 75 murriztea eta produktibitatea % 15 handitzea ahalbidetuko dute”.
Eusko Jaurlaritzaren Elkartek 2022 programak finantzatzen du proiektu kolaboratiboa, eta, Ikerlanez gain, Tekniker eta Ideko zentro teknologikoek, hirurak BRTA euskal aliantzako kideak, Mondragon Goi Eskola Politeknikoa/MUk, UPV/EHUko Konputazio eta Adimen Artifizialaren Zientzien Sailak eta Makina Erremintaren Ikerketa Fundazioak (IMH) ere parte hartzen dute.
Inoiz baino ikerketa gehiago
Horrelako proiektu berritzaileen buru izateaz gain, Ikerlanek apustu estrategiko handia egin du ikerketari dagokionez Eusko Jaurlaritzarekin batera, Digilab sortu berri baitu, Estatuko lehen laborategi digital multiteknologikoa. 2.000 metro koadroko gunea da, Arrasaten kokatua, eta elkarlaneko robotika, zibersegurtasuna, safety eta fidagarritasuna, 5G komunikazioak, adimen artifiziala eta konputazio kuantikoa bezalako arloetan ikertzeko azken belaunaldiko azpiegitura espezializatua du.
1,5 milioi euroko inbertsioarekin, Eusko Jaurlaritzaren Azpitek programaren finantzazioa duten azpiegituren eta ekipamenduen lehen inaugurazioa da, eta beste urrats bat eman nahi du ezagutza Euskadiko industria-sarera eta enpresa eta erakundeetara transferitzeko.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.