Nanoprint Bio, ehunak eta organoak birsortzeko proiektu berria
CIC nanoGUNE eta Polymat ikerketa-zentroak eta Indart3D 3D inprimatze-enpresa elkarlanean ari dira giza ehunak sortuko dituen tresna bat asmatzeko, eta ikertzaile eta medikuei eskaintzeko. Ehunak eta organoak birsortzeko behar adinako zehaztasuna eta konplexutasuna izango ditu tresna horrek. NANOPRINT BIO izena du proiektuak, eta ikerketa-zentroen eta enpresen arteko elkarlanetik sortu da. SPRI Taldearen I+G arlora bideratutako Hazitek 2023 laguntza-programaren babesa du.
Gizarte honetan gero eta luzaroago bizi gara. Errealitate horren aurrean, ehunen ingeniaritzak soluzioak garatu nahi ditu ehun eta organo kaltetuak edo gaixoak konpontzeko edo ordezkatzeko, ikuspegi pertsonalizatuarekin. Paziente bakoitzaren behar indibidualetara egokitutako berariazko tratamenduak eskaintzea da helburua. Pazientearen beraren zeluletatik abiatuta ehun eta organo funtzionalak sortzea da ehunen ingeniaritzaren promesarik handienetako bat. Hala, gaur egun sendatu ezin diren gaixotasunak sendatu ahal izango lirateke.
Norabide horretan beste pauso bat emateko potentziala du NANOPRINT BIO proiektuak. Izan ere, bioinprimatzearen eta nanofabrikazioaren arloko teknologia aurreratuak konbinatzen ditu. “Plataforma honek teknologia aurreratuak konbinatuko ditu, egitura biologiko konplexuak zehaztasun handiz ekoizteko; eta egitura horiek propietate mekaniko eta biologiko egokiak izango dituzte, aplikazio biomedikoetan erabiltzeko”, azaldu du Javier Latasak, proiektuaren nanoGUNEko arduradunak.
“Prozesuak, funtsean, bi fase ditu eta makina bera arduratzen da bi faseez: lehendabizi, aldamioa —oinarria— inprimatzen edo eskuratzen da. Zuntzezko egitura bat da, sendotasuna ematen duena eta, aldi berean, lortu nahi den ehunaren antzeko propietate mekanikoak eskaintzen dituena. Ondoren, oinarriaren gainean, ama zelulak dituen hidrogel bat isurtzen da. Ama zelula horiek lortu nahi den ehuna sortzen amaituko dute, paregabeko zehaztasun maila estrukturalarekin, eta ehun funtzional bat lortuko da”, gehitu du Javier Latasak.
“Gainera, amaierako tresna erabiltzeko erraza izatea da proiektuaren helburua —adierazi du Latasak—, medikuek edo ikertzaileek zuzenean erabili ahal izateko. Hala, ehunak sortu ahal izango dituzte azterketa pertsonalizatuak egiteko eta paziente bakoitzak sendagai eta terapia jakinen aurrean nola erantzungo duen ebaluatzeko”.
Proiektuan parte hartzen ari diren hiru erakundeak bat datoz: “Giza ehunen biofabrikazioa goitik behera aldatzeko eta mundu mailan paziente askoren bizi-kalitatea hobetzeko potentziala du tresna berritzaile honek, ehunen ezaugarriak modu zehatzagoan erreproduzitzeko aukera ematen duelako”. Hau da, Javier Latasaren hitzetan, “gero eta hurbilago gaude benetako ehunen erreprodukzio zehatzetik”.
Indart3D
Orain dela gutxi sortutako kooperatiba bat da Indart3D. Azken belaunaldiko 3D inprimagailuak diseinatzen, fabrikatzen eta saltzen ditu. Aurrez Tumaker start-upa martxan jartzen parte hartu zuten gazte ekintzaileek bultzatu dute enpresa-egitasmo hau. 3D fabrikazioaren arloan ibilbide handiena duten euskal enpresetako bat bihurtu zen Gipuzkoako start-upa. Enpresa erreferentea eta giltzarria izan zen, gure ingurunean 4.0 iraultza industrialaren buruan egon zena.
POLYMAT
POLYMAT Basque Center for Macromolecular Design and Engineering fundazioa BERC bikaintasuneko euskal zentroa da. 2012an sortu zen. Legalki independentea bada ere, unibertsitateari lotuta dago Eusko Jaurlaritzaren eta UPV/EHUren arteko akordio baten bidez. POLYMAT diziplina anitzeko ikerketa-zentroa da eta talde ugari hartzen ditu barne. Honakoak ikertzen dituzte: polimeroen sintesia, erreologia, elektronikarako polimeroak, bateriak eta biomedikuntza. Gaur egun, 200 ikertzailetik gorako talde batek osatzen du.
CIC nanoGUNE
CIC nanoGUNE, Nanozientzia Ikerketa Kooperatiboko Zentroa, Donostian dago. Nanozientziaren eta nanoteknologiaren arloan bikaintasunezko ikerketa egiteko helburuz sortutako ikerketa-zentroa da. EAEren enpresa-lehiakortasuna eta garapen ekonomikoa hobetzea da zentroaren helburua. Basque Research and Technology Allianceko (BRTA) kidea da NanoGUNE eta, gainera, “María de Maeztu” Bikaintasun Unitate (2022-2025) aitortu zuen Estatuko Ikerketa Agentziak
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.