Nuuk enpresak motor elektrikoen belaunaldi berri bat merkaturatu du
Enpresa bizkaitarrak sidecar modeloa aurkeztu du Madrileko VEM azokan
“Mugikortasunaren merkatua aldatzen ari da eta merkatuan dauden produktuak ez dira gauza premia batzuk asetzeko, horregatik sortzen ditugu produktu berriak” azaldu du Ixone Busturiak, Nuuk Europe enpresako proiektu-zuzendariak. Etxebarrin kokatutako enpresa bizkaitar hori espreski espezializatu da mugikortasun elektrikorako konponbide berritzaileetan, eta belaunaldi berriko motor eta ziklomotor katalogo bat du, bezero partikularrei nahiz profesionalei zuzendua.
Nuuk enpresak duela sei hilabete eskas merkaturatu zituen ibilgailu elektrikoen lehen modeloak. Gaur egun hiru gama dauzkate katalogo horretan: bata, hirian gidatzeko, bestea, mendian gidatzeko eta hirugarrena, garraio edo mezularitza zerbitzuetarako, eta denek dituzte ziklomotor eta motozikleta bertsioak. Enpresako product manager-ak azaldu duenez, Nuuk enpresan diseinatutako ibilgailuen helburua da motor elektrikoen merkatuan ase gabe dauden premiak asetzea. “Eskaintza zatituta dago gaur egun: batetik, gama altuko modeloak daude eta, bestetik, scooter estilokoak” azaldu du Ixone Busturiak, “gure modeloa erdibidekoa da, prestazio altuak ditu eta kalitate-prezio oreka hobea ere bai”.
Nuuk ibilgailu elektrikoen merkatuan sartu da lehen hiru modelo horiekin, baina konpainia gazte honek bezero bakoitzari egokitutako mugikortasun konponbideen hornitzaile bezala definitzen du bere burua. Egungo katalogoaz gain, aholkularitza zerbitzuak eskaintzen ditu eta produktu berriak garatzen ditu. Zentzu horretan, laster merkaturatuko dute sidecar modelo berri bat Madrid Centro proiekturako. Nuuk-ek hiru bertsio garatu ditu: sidecab (pertsonak garraiatzeko), sidecargo (paketeentzako) eta sidecarga (kargak garraiatzeko). Ekainaren 7tik 9ra Madrilen egin den Ibilgailu Elektrikoen VEM azokan aurkeztu dute horietako lehenengoa.
Nuuk enpresak bi bazkide estrategiko dauzka hasieratik bere ibilgailuak garatu eta merkaturatzeko. Batetik, Bosch enpresa alemanak motorrentzako potentzia-trena jartzen du eta, bestetik, Rieju konpainia katalana mihiztatzeaz eta salmenta ondorengo zerbitzu teknikoaz arduratzen da. Gainera, Gironan kokatutako enpresa horrek partikularrentzako modeloak banatzen ditu 800dik gora salmenta-puntutan; aldiz, Nuuk gehiago bideratzen da bezero profesionaletara.
Konpainiak merkaturatu dituen motor elektrikoek 100km/h baino gehiagoko abiadura har dezakete eta 80-100 km arteko autonomia erreala dute. Lantaldea modelo berriak garatzen ari da, zeintzuek 250 km egin ahal izango baitituzte birkargatu beharrik gabe.
Las motos eléctricas que la compañía ha lanzado al mercado superan los 100km/h y tienen una autonomía en uso real de entre 80 y 100 km, aunque el equipo está desarrollando nuevos modelos que podrán llegar hasta los 250 km sin necesidad de recarga.
Lotutako albisteak
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute