Ondoanek I+Gn oinarritzen du bere estrategia balio-proposamena areagotzeko
400 pertsonatik gorako taldearekin eta 40 urtetik gorako ibilbidearekin, Ondoan Taldeak ingeniaritzako, ingurumeneko, mantentze-lanetako, ingurumen-kalitateko eta energiako proiektuak egiten ditu Espainian, Egipton, Mexikon eta Marokon. Bizkaiko enpresak, Mondragon Korporazioaren parte denak, I+Gri egotzi dio bere hazkundea. Izan ere, 2023an bakarrik, taldeak sei proiektu gidatu ditu SPRI Taldearen Hazitek berrikuntzarako laguntza-programaren barruan, eta beste bostetan parte hartu du. “I+Gren aldeko apustu handiak asko laguntzen du gure balio-proposamena hobetzen; izan ere, gure prozesuak eraginkorragoak izateaz gain, gure zerbitzu-folioa merkatuaren baldintza aldakorretara egokitzeko edo berriak garatzeko aukera ematen digu”, esan du Jon Zubiria Ondoaneko I+G+Bko koordinatzaileak.
Proiektuak gero eta gaurkotasun handiagoko eremuetara bideratzen dira, besteak beste, ekonomia zirkularrera. Hori da, hain zuzen, Repapelen kasua. Dagoeneko amaitu da, eta, Zubiriak azaldu duenez, “balio erantsi handiko produktuak berreskuratzeko teknologia berriak ikertzea ahalbidetu du, paperaren industriako hondakinetatik abiatuta; eta horiek industria kimikoan eta eraikuntzan lehengai gisa aplikatzeko aukera ematen du, zabortegian uztea saihestuz. Era berean, hondakinen kudeaketari dagokionez erabaki egokiena hartzea erraztuko duen tresna bat garatu da “.
Arlo honetan ere, elikagaien industriara bideratutako Nowaste proiektuaren buru da. “Balio-kate osoan zehar hondakin fresko eta galkorren sorrera saihestea edo murriztea ahalbidetzen duten teknologiak ikertzen ditugu. Gainera, sortzen diren hondakinen biometanizazio-teknologiak ere ikertzen dira, biogas aberastua lortu ahal izateko, azken batean, gas-sarean injektatu daitekeen metano sintetikoa lortzeko“, zehaztu du I+G+Bko koordinatzaileak.
Jasangarritasunarekin bat, baina oraingo honetan deskarbonizazio industrialaren eta energia berriztagarrien ikuspegitik, Lowloop eta Heerria proiektuak daude. Lehenengoaren helburua azpiestazioetan eta iturri anitzeko bero-ponpetan tenperatura baxuko sare hibridoaren kontzeptua definitzea da; horrez gain, trantsizio-prozesu malgu eta eskalagarria finkatu nahi da, euskal industriaren baldintzetara egokitzeko modukoa. Biki digital baten laguntzarekin, bigarren proiektuan, Zubiriak azaldu duenez, “hidrogenera berdeak kudeatzeko irtenbide bat garatzen ari dira, energia-kontratuen eredu berriak diseinatzen laguntzeko, planta mota horien errentagarritasuna handitzeko”.
Adimen Artifiziala da gaur egungo beste erronka handienetako bat, eta Smartedge proiektuak, hain zuzen ere, IA algoritmoak aplikatzea ahalbidetzen duen soluzio bat garatzen du, klimatizazio-instalazioen funtzionamenduan anomaliak aurreikusteko eta haien errendimendua optimizatzeko. Eta, azkenik, Mores dago, IoT gailuen eta plataformen bidez espezie arriskutsuen urruneko monitorizazioaren bidez osasun publikoa babesteari heltzen dion proiektua.
Konpainiak gidatzen dituen sei proiektu horiez gain, beste enpresa eta zentro teknologiko batzuekin batera beste batzuetan parte hartzen du, besteak beste, Adagio, testu egokitua sortzeko IA sortzailean oinarritutako soluzioa; e-district, Low Carbon soluzio teknologikoak garatzea, Zero Emisio Barrutietan industria-espazioak eraldatzeko; Sutea, Errealitate Birtualaren/Errealitate Areagotuaren sistema, agintaritza eskudunak PCI instalazioak egiaztatu eta modu sinplifikatuan jasotzeko; Autobim, puntu-hodeietan ereduak ezagutzeko cloud plataforma, BIM modelatze erdi-automatiko baterako; eta e-sense, sentsore berriak, industria-prozesu, -instalazio eta -azpiegituretan segurtasun biologikoarekin lotutako parametroak monitorizatzea ahalbidetzen dutenak.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Etxetar, errekuntzako motorrentzako eta ibilgailu elektrikoentzako ekoizpen-sistema aurreratuak egiten dituen munduko ingeniaritza liderra
Elgoibarko enpresak SPRI Taldearen zibersegurtasuneko dirulaguntza-programa jaso du eta proiektu bat egin du freno-diskoen kutsadura mugatzeko.
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.
Vaillant Groupek aire-ur bero bonba berri bat merkaturatu du, eraginkorragoa eta zarata-mailak murrizten dituena
Behin Split proiektua amaituta, Europako merkatuan makinak merkaturatzen hasi da, eta 30.000 salmenta izatea aurreikusten du. SPRI Taldearen Hazitek Laguntza Programaren babesa jaso du.
Imanol Pradales Lehendakariak etorkizuneko abiazioa bultzatuko duen ITP Aero zentro berria inauguratu du
Imanol Pradales Lehendakariak eta Pedro Sánchez presidenteak ITP Aeroren ADMIRE zentroa inauguratu dute gaur goizean Zamudion, 24 milioi euroko inbertsioarekin eta 150 enplegu kualifikatu baino gehiagorekin. Zentro horrek berrikuntza eta jasangarritasuna sustatuko ditu hegazkingintzan Euskadin