Ortzek, lehen ontzi elektriko-hibridoak ‘made in Euskadi’, nazio-mailan ospe handiena duen berrikuntza-saria eskuratu du

Ortze, lehen ontzi elektriko-hibridoa ‘made in Euskadi’, ‘D+I Innovation Award 2022’-etan saritua izan da, nazio mailan ospe handiena duten berrikuntza-sarietan. Invertiak, El Español egunkariak eta Disruptores e Innovadores (D+I) atalak bultzatutako sari hauek joan den azaroaren 10ean ospatu ziren Madrilen. Zehazki, Ingeteam buru duen proiektuaren saria Teknologia-zentroek edo parke zientifikoek bultzatutako ekimenik onena kategoriari dagokio. 

2016an, Ingeteameko talde batek energia elektrikoarekin nabigatuko zuen ontzi baten ideia planteatu zuen, errepidean auto elektrikoak bazeuden bezala. Ortzek 2020an nabigatu zuen lehen miliak, zehazki, Oriotik Pasaiara. Itsasoko lehen proba partikularrak izan ziren, jarduteko modu desberdinetan, zero igorpeneko modu elektrikoa barne. Ordutik, ontzia osorik berritu ondoren, Pasaian izan du egoitza. Propultsio eta instalazio elektrikoko teknologia hau Euskadin diseinatu, garatu eta ezarri da oso-osorik.  

Iaz amaitutako proiektua eskola-ontzi bat berritzean zitzan. “Makina-aretoa erabat berritu zen, diesel propultsioko sistema konbentzionala kendu eta propultsio elektrikoko sistema berria instalatu baitzen, proiektuaren esparruan garatutako planta elektriko hibridoarekin. Aldaketa horri esker, itsasontziak zero isurirekin nabigatu ahal izan du portutik gertu, eta modu hibridoan nabigatu ahal izan du, kostaldetik urrun ere emisioak murriztuz”, Alberto Guerrero Ingeteameko CTOak adierazi duenez.  

Orain, ‘D+I Innovation Awards 2022’-etako bat eskuratu du, gaztelaniaz berrikuntza eta disrupzioa gehien aitortzen duten sarienetako bat. Ekosistemako kide ospetsuek esleitu dituzte (analista independenteak, lehen mailako zuzendariak, akademikoak, etab.), hala nola Soledad Díaz, Espainiako Parke Zientifiko eta Teknologikoen Elkarteko zuzendari kudeatzailea; María Lázaro Ávila, Ekonomia Digitalaren Espainiako Elkarteko (Adigital) Garapen zuzendaria eta Elcano Errege Institutuko edo ICEXeko kide ohia; eta Paco Bree, Deusto Business Schooleko Berrikuntza Programen egungo zuzendaria, bai eta Inndux Digital Group-eko CEOa ere. 

Zehazki, hamar kategoria saritu ziren: Urteko startup edo scaleup onena, Urteko azeleratzaile edo inkubagailurik onena, Urteko inbertitzailerik onena, Enpresa handiko urteko digitalizazio-proiekturik onena, ETEetako urteko digitalizazio-proiekturik onena, Teknologia-zentroek edo parke zientifikoek bultzatutako ekimenik onena, Urteko CIORIK onena, Urteko ikerketa-proiekturik onena, Digitalizazioari laguntzeko proiektu publikorik onena eta Ekimen digitalik onena Latinoamerikan. 

Epaimahaiko kide bakoitzak 50 hautagaitza ebaluatu zituen, bost kategoria bakoitzeko, aldez aurretik hautatuak. Hautaketa horri dagokionez, epaimahaiak hainbat irizpide baloratu zituen, hala nola erakundean bertan, merkatuan eta ekosisteman izandako eragina, disrupzio teknologikoaren maila, ESG irizpideekin bat etortzea (ingurumenaren, gizartearen eta gobernantzaren iraunkortasuna) edo proposamenaren potentziala, oraina eta etorkizuna. 

Saria eskuratu ondoren, Guerrerok aipamen berezia egin zien “proiektu honetan parte hartu duten gainerako enpresa eta erakundeei, guztira 11. Hori lankidetza publiko-pribatuaren adibide garbia da, emaitza teknologiko eta berrikuntza bikainarekin”. Ekimen honen ernamuina aurkitzeko hamarkada bat atzera egin behar da, Ingeteameko I+G sailak bere lehen urratsak eman zituenean itsas elektrifikazioa errealitate bihurtzeko behar ziren arlo eta teknologietan. Albertok gaineratu zuen “gaur harro esan dezakegula ontzi hau 2021az geroztik gure kostaldean jarduten duen mota honetako lehen elektrikoa izatea lortu dugula”. 

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.