Perihortz eta Amets enpresek fabrikazio prozesu tradizionalak Green Dealera egokitu dituzte
Iraunkortasuna industria guztietan sartu beharreko alderdia da, baita manufaktura-industrian ere. Perihortz (Elgoibar, Gipuzkoa) eta Amets (Laudio, Araba) mekanizazio-enpresek badakite, eta, horregatik, BERMEK I+G proiektuan murgildu dira. Ekimen honen helburua da fabrikazio-prozesu tradizionalak Europako Itun Berde edo Green Deal berrira egokitzea eta, horrela, prozesu jasangarriago, osasungarriago eta lehiakorrago bihurtzea.
Hazitek I+Gri laguntzeko laguntza-programaren barruan, eta Tecnalia zentro teknologikoaren (BRTA euskal aliantzako kidea) eta UPV/EHUren laguntzarekin, proiektuak funtsezko bost helburu tekniko lortu nahi ditu Green Manufacturing kontzeptuak aplikatuz. Lehenengoa ebaketa-olioak eta hozgarri arriskutsuak erabat ezabatzea eta landare-jatorriko olioak lehenestea da. Horretarako, industria-mailan CO2 eta MQL (Minimum Quantity Lubrication) dituen soluzio integral bat ezartzea proposatzen da.
Energia kontsumoaren ikuspegitik mekanizazio-prozesuen eraginkortasuna handitzea da bigarren helburua. Horretarako, erretiratutako material kopuruaren tasaren eta kontsumitutako energiaren arteko erlazioa optimizatzea bilatuko da. Gainera, hirugarren helburu batek ebaketa-erreminten bizi-zikloa maximizatzea bilatuko du, eta, horrela, laugarren bat lortzea, mekanizazio-prozesuari lotutako kostuak murriztea.
Azkenik, BERMEKek mekanizazio-prozesuko hondakinak minimizatu nahi ditu, taladrinaren erabilera murrizteari esker. “Taladrina da pieza metalikoen txirbil-harroketa bidezko mekanizazio-prozesuetan erabili ohi dena”, azaldu dute proiektuaren zuzendaritzatik. Hala ere, “taladrinaz, iragazkiez eta lohiez bustitako txirbilak bezalako hondakinak sortzen ditu, birziklatu edo ezabatu behar direnak”. Proiektu honen pean garatzen den teknologiak ez du hondakin horietako bat bera ere sortuko, ezta birziklatu edo ezabatu beharreko osagairik ere. “Hau da, soberan dagoen material guztia zuzenean lehengai gisa berrerabili ahal izango da, berraprobetxatzea erraztuz“, zehaztu dute.
Horrek iraunkortasuna hobetzeaz gain, mekanizazio-prozesuetako langileen bizi-kalitatea hobetzea ahalbidetuko du. Izan ere, proiektuaren zuzendaritzaren arabera, “taladrina erabiltzeak hainbat arazo sortzen ditu, hala nola larruazalaren narritadura, aknea, biriketako funtzioaren galera, pneumonia eta baita azaleko edo biriketako minbizia ere”. Beraz, proiektu hau urrats bat da osasuna eta ingurumenaren babesa eta lehiakortasun global handiagoa uztartzeko.
Ibilbide luzea duten bi enpresa
Perihortz 1996az geroztik dabil piezak material ferrikoekin, material ez-ferrikoekin, plastikoekin eta konpositeekin mekanizatzen, Elgoibarren (Gipuzkoa) duen egoitzatik. BIM taldearen parte da, eta, horrekin batera, 12 herrialdetako bezeroei saltzen die, batez ere Europakoei, eta baita hainbat sektoreri ere: hidraulikoa, trenbidekoa, kimikoa edo siderurgikoa, besteak beste.
Ametsek, bere aldetik, Laudion (Araba) ekin zion bere bideari 1979an. Ordutik, mota eta zailtasun desberdinetako piezetarako era guztietako materialak mekanizatzen ditu, besteak beste, Oil & Gas, galdaketa edo energia sektoreetarako. 40 urte baino gehiagoko esperientzian, eskualdeko enpresentzako mekanizazioan erreferente gisa kokatu da, eta nazioko eta nazioarteko lanak jorratu ditu.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.