Javier Igarza, kudetzailea.
Elkarrizketak 15 Marzo, 2021

Plastiko-injekzioa nortasun-ikur gisa

Egoitza Itziarren eta lantegiak Polonian eta Mexikon dituen Reiner Taldea Europa mailako erreferente bezala finkatu da automozio eta medikuntza sektoreetan

 

Itziarko Industrialdean kokatuta dago plastiko-injekzioaren sektoreko Reiner taldea. Ia ehun urte dituen talde horrek produkzio-lantegiak ditu Polonian eta Mexikon, 110 pertsona enplegatzen ditu eta automozio eta medikuntza sektoreetan zentratzen da esklusiboki. Automozio sektorean erreferentea da Europan, ia % 20ko merkatu-kuota duelarik suspentsioaren esparruan; medikuntzaren sektorean, berriz, gai da hainbat hornidura fabrikatzeko (adibidez garezurrerako grapak) plastiko-injekzioa erabiliz eta sekulako eraginkortasuna erdietsiz. Euskal enpresa honen kudeatzaile eta laugarren belaunaldiko kide Javier Igarzak bere konpainiaren orainaren eta etorkizunaren giltzarriak aztertu ditu SPRI Taldearentzat.

 

Nola azalduko zenuke zertan datzan zure taldearen jarduera (plastiko-injekzioa) modu dibulgatiboan?

Funtsean, guk egiten duguna da bezero batek diseinatutako ideia, kontzeptu edo amaierako produktu bat industrializatu, prozesuaren amaieran plastikozko emaitza bat izateko eskuartean, batik bat automozio eta medikuntza sektoreetarako.

 

Bitxia da pentsatzea beti jarduera bera egin duzuela zure berraitonak duela ia mende bat enpresa sortu zuenetik…

Gure historia estuki lotuta dago plastikoaren eraldaketarekin. Hasieran, duela mende bateko teknikekin, zeintzuek ez zuten zerikusirik gaur egungoekin, gaur egungoak plastiko-injekzioan oinarritzen baitira eta horri esker posible baita automatizazio handigoa eta kontrol sistema hobeak izatea.

 

Baina zergatik aritzen zarete bi sektoretan esklusiboki?

Horixe delako ongien egiten duguna, eta merkatuak berak gidatu gaituelako bide horretatik azken urteetan. Denbora horretan lehiakor izan gara, eta ezagutza propioa garatu dugu geure esperientzian oinarrituta, horregatik ez gara aldatu.

 

Badago arrazoirik aeronautika sektorean ez sartzeko?

Ez dago arrazoi zehatzik, autoetan eta medikuntza sektorean espezializatu gara, eta ez dugu garatu aeronautika sektorean sartzeko behar den gaitasunik.

 

Adibidez, zer egiten duzue automozio sektorerako?

Azken urteetan saiatu gara generalistak ez izaten sektore barruan, autoen munduko nitxo edo funtzio zehatzetan ezagutza garatzeko. Horregatik, ibilgailu baten suspentsio-sistemak behar dituen plastikozko osagai guztien fabrikazioan espezializatu gara. Etorkizunera begira, hurrengo urratsa emateko prestatzen ari gara, alegia, elektro-mugikortasun arloko elementuak ekoizteko.

 

Noiz egin zuen Reiner taldeak medikuntza sektorerako jauzia?

2008an erabaki genuen beste sektore batzuetara dibertsifikatzea, eta medikuntza eta farmazia sektoreetara bideratu ginen, horiexek direlarik gure gaur egungo sektoreak.

 

Zer dira garezurrerako grapak?

Beste enpresa batek garatutako produktu bat da, garuneko operazioetarako itxitura- edo jostura-sistema bat (garai batean alanbrea erabiltzen zen ebakia ixteko). Gurekin harremanetan jarri ziren eta sistema berezi bat diseinatu genuen, zeinetan plastikozko material bat (peek) erabiltzen den, operazioaren ondoren hezurrean bertan integratzen dena eta abantaila izugarriak dituena.

 

Nolako ondorioak utzi dizkizue pandemiak?

Hainbat hilabetez ia geldirik egon gara, soilik % 15eko eskaerarekin, baina inflexio-garai horren ostean gure jarduera berreskuratzen hasi gara, eta egoera jasangarriagoa dugu orain. Zalantza askorekin eta ziurgabetasun handiarekin hasi dugu aurtengo urtea, batez ere automobil sektorean, baina gogor eutsi eta aurre egin behar diogu egoerari.

 

Zure ustez, enpresa bezala, zer ikasi duzue pandemiatik?

Zein garrantzitsua den malgutasuna eta, helburu indibidualez harago, taldearen helburuak lortzeko lan egitea.

 

Ia 100 urteko ibilbidea duzue atzean… Zein izango da Reiner-en etorkizuneko norabidea?

Etorkizunean ezinbestekoa izango da bezeroa ulertzea, eta ezagutza eskaintzea bai produktuari eta bai prozesuari buruz, lehiakor izateko eta merkatuari balioa eskaintzeko.

 

Lotutako albisteak

Ibarmia:  “Abangoardian  egoteko  eta  prestazio  handiko  makinen  fabrikazioan  erreferente  izateko  lan  egiten  dugu”
06/11/2024 I+G+B

Ibarmia: “Abangoardian egoteko eta prestazio handiko makinen fabrikazioan erreferente izateko lan egiten dugu”

Enpresa gipuzkoarrak berrikuntza teknologikoaren aldeko apustua egin du, ekoizpena optimizatzeko eta lehiakortasuna hobetzeko.

Orai:  “Adimen  artifizialerako  gure  neurona-eredua  euskarazko  aurreratuena  da  ingurune  eskalagarrietarako”
30/09/2024 I+G+B

Orai: “Adimen artifizialerako gure neurona-eredua euskarazko aurreratuena da ingurune eskalagarrietarako”

Elhuyarreko adimen artifizialeko zentroak Llama-eus-8B garatu du, eredu fundazionala (adimen artifizial sortzailearen oinarri gisa erabiltzen den eredu-mota), euskara idatzia ulertzea eta sortzea eskatzen duten sistemak garatzeko.

HINEk  50.  urteurrena  ospatuko  du  sistema  hidraulikoetako  munduko  lider  gisa
26/06/2024 I+G+B

HINEk 50. urteurrena ospatuko du sistema hidraulikoetako munduko lider gisa

Olaberriko enpresak 700 langile ditu eta 200 milioiko fakturazioa, eta industrian eta energia berriztagarrietan espezializatuta dago

Pospoloak  eta  aterkientzako  egiturak  egitetik,  automobiletarako  motelgailuak  eta  norabide-zutabeak  egitera
19/06/2024 I+G+B

Pospoloak eta aterkientzako egiturak egitetik, automobiletarako motelgailuak eta norabide-zutabeak egitera

Hijos de Juan de Garay enpresaren 160 urteko historiak dibertsifikazio berezia izan du eta, gaur egun, zehaztasun handiko hodien fabrikaziorako munduko erreferente bihurtu da

Paturpat:  “Produktu  naturala  egiten  dugu,  patatarekin  errezetak  egitean  denbora  eta  kostuak  murriztea  lortzen  duena”
17/06/2024 Ekintzailetza

Paturpat: “Produktu naturala egiten dugu, patatarekin errezetak egitean denbora eta kostuak murriztea lortzen duena”

Enpresa arabarra hirugarren fabrikazio-lerro bat instalatzen ari da, etorkizuneko produktu-eskaerei aurre egiteko, eta ekonomia zirkularreko proiektu europar batean parte hartzen ari da.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.