SPINMATE proiektuak egoera solidoko bateriak garatzen ditu eskala handian fabrikatzeko
CIDETEC Energy Storage 2022ko bigarren seihilekoan Horizonte Europa programaren Europako funtsekin finantzatutako zortzi ikerketa- eta garapen-proiektutan parte hartzen ari da. Proiektu horiek aurrerapauso handia emango dute eta baterietarako teknologien eta aplikazioen garapenarekin lotutako jarduerak garatuko dituzte.
Proiektu horietako bat SPINMATE da, automobilgintzaren sektorerako egoera solidoko baterien fabrikazioan eta industrializazioan zentratzen dena. Ibilgailu elektrikoei autonomia handiagoa edo karga-abiadura txikiagoa eskaintzea da baterien belaunaldi berri horien betebeharra.
CIDETECek adierazi duenez, proiektuaren helburua da kontzeptu digital eskalagarri, iraunkor, seguru eta errentagarriko lerro pilotu bat praktikan jartzea, egoera solidoko bateriak eskala handian fabrikatzeko lehen urrats gisa. Gero, automobilgintzaren sektorearen elektrifikazioa bultzatzeko. Hasiera batean, belaunaldi berriko teknologia horrek energia-dentsitate handiagoa bermatuko du, eta litiozko ioi-baterien egungo mugak gaindituko ditu; balio-kate osoan zehar segurtasun hobetua eskainiko du, masa iraunkorreko ekoizpena handituko du eta kostua eta karbono-aztarna murriztuko ditu.
Proiektua Batt4EU taldearen (baterien garapena bermatzeko elkartea) parte da, eta ABEE-Avesta Battery & Energy Engineering enpresa belgikarrak koordinatzen du. Horrez gain, honako hauek hartzen dute parte bazkide gisa: CIDETEC Energy Storage, CIC EnergiGUNE Fundazioa, IREC Kataluniako Energiaren Ikerketa Institutua Fundazioa, Fraunhofer-Gesellschaft erakunde alemaniarra, Brunswickeko Unibertsitate Teknikoa (Alemania), Frantziako Energia Atomikoaren eta Energia Berriztagarrien Komisariotza, INEGI-Ingeniaritza Mekanikoko eta Industria Ingeniaritzako Institutua (Portugal); eta Comau Spa (Italia), Toyota Motor Europe (Belgika), Arkema (Frantza), INOVA+ (Portugal) eta Cerpotech (Norbegia) enpresak.
Europako funtsen finantzaketa SPINMATE proiekturako 7 milioi euro ingurukoa da, eta proiektuaren amaiera-data 2026ko uztailaren 31 da.
Zazpi proiektu gehiago
CIDETEC, halaber, honako proiektu hauetan murgilduta dago: Signe, silizioz hobetutako gaitasun handiko anodoak aztertzen dituena; Novoc eta Batwoman, litiozko ioien baterietarako fabrikazio-teknika aurreratuetan zentratuta, eta Respect, litiozko ioien bateriak birziklatzeko metodologia malgu eta seguru berriez arduratuko dena.
Era berean NextETRUCK eta Empower proiektuetan parte hartzen du, errepideko garraio astunerako autobus eta kamioi elektrikoen garapenarekin lotuta dagoena; bai eta Nemoship proiektuan, diseinu-soluzioak garatuko dituen ekimena, ontzi hibridoetan tamaina handiko bateriak ezartzeko.
Zentro teknologikoari datozen lau urteetarako emandako zortzi proiektu berri horien guztizko zenbatekoa 4,4 milioi eurokoa da.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.