SPRIk Europako Batzordearen ur-jauzi bidezko finantzaketako aukeren berri eman die Euskadiko ETE-ei
I+G+b arloko nazioartekotze-jardunaldien bigarren edizioa: “Enpresa txiki eta ertainentzako aukerak, ur-jauzi bidezko finantzaketaren bidez”. Ekimena SPRIk antolatu du Enterprise Europe Network (EEN Basque) sareko kide delako eta, horri esker, 70 enpresa txiki eta ertainek gertu-gertutik ezagutu dute ekimena. Hain zuzen ere, egitasun horren helburua da “funtsak hirugarren batzuei banatzea Europako Batzordeak finantzatutako proiektu baten kontsortzioak kudeatutako deialdi irekien sistema bidez”, Cristina Oyónek, SPRI Taldeko Teknologia, Berrikuntza eta Jasangarritasuneko zuzendariak, adierazi duen moduan.
Orain arte, ezaugarri horiek dituzten 30 proiektu identifikatu dira eta 52 M € baino gehiagoko finantzaketa-bolumena mugitzen dute guztira. Zalantzarik gabe, Euskadiko ETE-entzako aukera bikaina eskaintzen du bolumen horrek.
Bi urtez behin egiten diren jardunaldi horiek Enterprise Europe Network (EEN Basque) sareko Euskadiko nodoak bultzatutako ekimenean sartuta daude eta horren sorburua Euskal I+G+b-ren estrategia Europan proiektua da. Bere helburu nagusia da Europa mailan Euskadiko enpresa txiki eta ertainen I+G+b arloaren nazioartekotzea bultzatzea ur-jauzi bidezko Europako finantzaketa izeneko mekanismoaren bidez. Innobasque eta BEAZ ere EEN Basqueko kideak dira.
Hala, Cristina Oyónek aipatu duenez, “Horizon Europa Esparru Programako deialdi arruntek ez bezala, honako hauek proiektuak aurkezteko eta justifikatzeko garaian administrazioko karga txikiagoa eskaintzen diete ETE-ei eta, gainera, iraupen laburragoa duten I+G+b arloko proiektuak garatzeko aukera ematen die, ETEaren behar espezifikoetara bideratuta dagoen ikuspegiarekin”.
Horregatik, EEN Basque- Cascade Funding ekimenaren bidez, Euskadiko eragileen partaidetza jasotzen duten Europako proiektuak identifikatu nahi dira (teknologia-zentroak eta klusterrak, adibidez). Proiektu horiek ur-jauzi bidezko finantzaketa-deialdiak diseinatzea eta abian jartzea jasotzen dute deialdi hauen aukerak ETE-ei lehen faseetan gerturatu eta gertuko kontaktua eskaintzeko, deialdiekin zerikusia izan dezakeen edozein zalantza argitzeko eta, hala, arrakasta izateko probabilitatea handitzeko.
Arrakasta-kasuak
Jarraian, eta Euskadiko ETE-ek deialdi mota horietan izandako arrakasta-kasuak gerturatu nahian, Iker Garcíak, Aotecheko CEOak eta Jorge Presak, Cyber Surgeryko CEOak, mekanismo horri esker garatu dituzten proiektuak aurkeztu eta ur-jauzi bidezko finantzaketako deialdietan izandako partaidetzan jasotako esperientzia kontatu dute. Bi enpresek adierazi dutenez, deialdi horiek Horizon Europa baino errazagoak dira prestatzeko. Administrazioko karga txikiagoa eskatzen dute eta proposamenak ETEaren behar espezifikoaren arabera orientatzeko aukera eskaintzen dute.
Jardunaldiaren bigarren zatian, enpresek xehetasun osoz eta honako hauen eskutik hurrengo sei hilabeteotan ur-jauzi bidezko finantzaketako deialdiak abian jartzea aurrez ikusi duten 30 proiektu horietako 6 ezagutzeko aukera izan dute: Asier Alonso (Tecnalia), Silvia Rodriguez (Innovalia elkartea), Francisco Buján (Carsa), Alberto Barrutia (Lortek), Asier Alonso (Tecnalia), Cristina Elizetxea (Tecnalia) eta Jaione Agirre (Tekniker): ADMA TranS4MErs, aerOS, AI Redgio 5.0, AIRISE, DEREMCO eta greenSME.
Bestalde, EENeko euskal nodoko koordinatzaileak, Arturo Antónek, Enterprise Europe Network sareak enpresa txiki eta ertainei eskaintzen dizkien laguntza-zerbitzuak gogorarazi nahi izan ditu. Horrekin lotuta, berrikuntza-proiektuen garapena bizkortzeko programa berriak, Frast Track Innobideak izenekoak, ETE-en I+G+b arloko nazioartekotzea lortzeko laguntza jasotzen jarraituko duela adierazi du. Horretarako, funtsezko ekintza osagarriak bideratuko dituzte.
Jardunaldia amaitzeko, interesa duten ETE-en eta deialdiak kudeatzen dituzten Euskadiko erakundeen arteko aldebiko bilerak egin dituzte. Bertan, zalantza espezifikoak argitzeko eta proiektuaren ideiak etorkizunera begira abian jarriko dituzten deialdiekin bat etor daitezkeen kontsultatzeko aukera izan dute.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.