SPRIk Ingurumen arloko Berrikuntzaren eta Transferentzia Teknologikoaren BASQUE GREENTECH Foroan parte hartuko du
Eusko Jaurlaritzako Enpresen Garapenerako SPRI Agentziak “Ingurumen arloko Berrikuntzaren eta Transferentzia Teknologikoaren Lehen BASQUE GREENTECH Foroan” parte hartuko du datorren abenduaren 1ean. Topaketa hori sortu da Itun Berdearen estrategia europar berriak planteatzen dituen bi erronka handi aztertzeko: batetik, ekonomia zirkularra, klima aldaketa eta ingurumenaren kalitatea, eta bestetik, teknologia berriek dakartzaten aukerak eta teknologia horien erabilpena ingurumenari lotutako zerbitzu eta produktu berrien bideratzaile gisa.
GreenTech foroa ZTBESen (Zientzia, Teknologia eta Berrikuntzaren Euskal Sarea) eta Euskadiko ingurumen sektorearen arteko topagune bihurtuko da, bertan ezagutarazteko ingurumenaren eta trantsizio ekologikoaren arloetako erronkei erantzungo dieten ildo teknologikoak eta ikerketa ildoak.
Jardunaldiak bi zati izango ditu: lehen zatian hitzaldiak eskainiko dira, ingurumen arloko berrikuntza teknologikoari buruzko gaietan erreferenteak diren hizlariekin. Segidan, bigarren zatian, B2Bbilerak egingo dira, eta bilera horietan aukera berriak sortuko dira enpresen eta erakundeen artean.
Testuinguru horretan, SPRI Taldeko Teknologia, Berrikuntza eta Jasangarritasuneko zuzendari Cristina Oyónek azalduko du nola heldu Europako Itun Berdeak planteatzen dituen erronkei berrikuntzatik abiatuta. Orobat hizpide hartuko ditu trantsizio energetiko-ekologikoaren eszenatokiak planteatzen dituen aukerak, eta baita ere Euskadik berrikuntza babesteko eskaintzen dituen instrumentu eta tresnak.
ACLIMA klusterrak webinar formatuko hainbat jarduera dibulgatzaile (“Pilula Teknologikoak”) egin ditu urte honetan, apustu eginaz berrikuntzaren maila guztietako dibulgazioaren alde, eta Ingurumen arloko Berrikuntzaren eta Transferentzia Teknologikoaren BASQUE GREENTECH Foroa izan da jarduera horien azken proposamena.
Eusko Jaurlaritzako Teknologia, Berrikuntza eta Eraldaketa Digitaleko sailburuorde Estibaliz Hernaezek parte hartuko du ekitaldiaren irekiera ekitaldian. Gainerako hizlariak zeintzuk diren jakiteko, ikusi atxikitako EGITARAUA edo sartu esteka honetan.
Informazio gehiago eta izen-emateak: https://basque–greentech.b2match.io/
Lotutako albisteak
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"