Susana Méndez, Azterlan: “I+G sektore metalurgikoaren etorkizuneko garapenerako gakoetako bat da”
Duela 30 urte baino gehiagotik, Azterlan zentro teknologikoak erantzun integrala ematen die industriaren beharrei. “Eraldaketa metal-mekanikoaren sektoreko enpresei metalgintzako ezagutza sortu, erakarri eta transferitzean oinarritzen da Azterlanen jarduera, lehiakortasuna handitzeko eta, horrekin batera, aberastasuna eta enplegua sortzeko helburuarekin”, azaldu du Susana Mendezek, Galdaketa teknologien I+Gko arduradunak. “Gure helburu nagusia metalurgia garatzen jarraitzea eta ekoizpen-prozesuetan eta produktuen diseinuan eta errendimenduan aplikagarria den ezagutza erabilgarri berria sortzea da”.
Zentroa BRTAri atxikita dago, eta hainbat industria-sektoretako 1.500 bezero baino gehiago ditu; besteak beste, automobilgintzan, sektore eolikoan, aeronautikan, ontzigintzan, trenen-sektorean eta makina-erremintan. “Gure jarduera funtsezko hiru gakotan oinarritzen da: lehena bezeroarekiko hurbiltasuna da, bere beharrak zein diren zuzenean ezagutzeko aukera ematen diguna; bigarrena soluzio berritzaileen garapenarekin lotuta dago. Ikuspegi metalurgiko batetik, fabrikazio-arazoei, errefusa-tasei, energia-eraginkortasunari, produktibitateari, produktu berriaren garapenari eta enpresen lehiakortasunerako funtsezko alderdiei heltzen diegu. Eta hirugarrena inplementazio industriala da”, Mendezek zehazten duenez.
I+Gko arduradun gisa, Susana Mendezek sektorea garatzeko gakoetako bat berrikuntza dela uste du. “Metalurgia-sektorea esparru heldua da, eta, horregatik, berrikuntzaren bidez erakutsi behar du oraindik bizirik dagoela eta gizarteari eskaintzeko aukera asko dituela. Espero dugu garapen horiek guztiek etorkizunean egoera indartsuago batean kokatzeko aukera emango digutela, eta Euskadiko eta munduko metalurgia-sektoreak oraindik ere bere garrantzia izango duela”, adierazi du. Prozesu horretan, Azterlan lankidetza estuan ari da lanean nazioko eta nazioarteko erreferentziazko beste eragile zientifiko-teknologiko batzuekin.
Hala, zentro teknologikoaren helburua metalurgia-sektorearen Europako erreferente bihurtzea da, eta, aldi berean, oinarrizko ikerketa eta ikerketa aplikatua sustatzea, etengabeko ahalegina eginez ezagutza sortzen metalgintzan eta industriara teknologia transferitzen.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
Ibarmia: “Abangoardian egoteko eta prestazio handiko makinen fabrikazioan erreferente izateko lan egiten dugu”
Enpresa gipuzkoarrak berrikuntza teknologikoaren aldeko apustua egin du, ekoizpena optimizatzeko eta lehiakortasuna hobetzeko.
Orai: “Adimen artifizialerako gure neurona-eredua euskarazko aurreratuena da ingurune eskalagarrietarako”
Elhuyarreko adimen artifizialeko zentroak Llama-eus-8B garatu du, eredu fundazionala (adimen artifizial sortzailearen oinarri gisa erabiltzen den eredu-mota), euskara idatzia ulertzea eta sortzea eskatzen duten sistemak garatzeko.
HINEk 50. urteurrena ospatuko du sistema hidraulikoetako munduko lider gisa
Olaberriko enpresak 700 langile ditu eta 200 milioiko fakturazioa, eta industrian eta energia berriztagarrietan espezializatuta dago
Pospoloak eta aterkientzako egiturak egitetik, automobiletarako motelgailuak eta norabide-zutabeak egitera
Hijos de Juan de Garay enpresaren 160 urteko historiak dibertsifikazio berezia izan du eta, gaur egun, zehaztasun handiko hodien fabrikaziorako munduko erreferente bihurtu da
Paturpat: “Produktu naturala egiten dugu, patatarekin errezetak egitean denbora eta kostuak murriztea lortzen duena”
Enpresa arabarra hirugarren fabrikazio-lerro bat instalatzen ari da, etorkizuneko produktu-eskaerei aurre egiteko, eta ekonomia zirkularreko proiektu europar batean parte hartzen ari da.
Arkaitz Etxezarreta: “DUNE proiektua erronka teknologiko eta industrial oso garrantzitsua da Errekarentzat”
Gipuzkoako enpresak Estatu Batuetan neutrinoen propietateak aztertzeko egingo den esperimentu handienean erabiliko den egituraren finkapenak egingo ditu.
“Euskararen aldeko apostua ez da bakarrik emozionala, praktikoa ere bada, enpresari balioa ematen diona” Ion Etxeberria, IKERLAN
IKERLAN 1974.urtean sortutako Ikerketa Teknologikoko zentroa da, Mondragon Korporazioko kidea. Unibertsitatean sortzen den ezagutza eta enpresetan aplikatzen den teknologiaren arteko zubi lana egiten du.
Armando Astarloa (UPV/EHU): “Talentua eta prestakuntza funtsezkoak dira erdieroaleen sektorean”
Bilboko Ingeniaritza Eskolako Teknologia Elektronikoko katedradunak Soc4cris proiektua aurkeztu zuen Basque Open Industryn: “gure lurraldeko I+G+B ekosistemaren gaikuntza aztertzen du, erdieroaleen diseinuan, fabrikazioan eta azterketan”.
Rooster Capitalek I+Gak enpresak balizko inbertitzaileekin elkartzeko duen gaitasuna aztertzen du
Arabako Boutique Aholkularitza sortu berriak osasunaren eta bioteknologiaren arloan eskaintzen ditu zerbitzuak
Semantic Systems: “PILAR proiektuaren bidez, industria adimenduna lagundu nahi dugu konektibitate eta zerbitzu soluzio osoa garatuz”
Bizkaiko enpresak soluzio teknologikoak eskaintzen dizkie enpresei eraldaketa digitaleko prozesuetan, bere salmentak handitzeko, kostuak murrizteko edo iraunkorragoak izateko.