“Teknologiaren sektorea apustu segurua da”
Covid-19aren gaixotasunak eragindako konfinamenduaren ondoren, lan-merkatuan eta haren mugimenduetan eman den eragin ekonomikoen inguruan galdera asko daude. Galdera horiei erantzuteko, Iñaki Goyeneche ieTeam euskal aholkularitzako Pertsonen Garapeneko arduradunak, Be Basque Talent Network jardunaldi birtualetan (atzerrian dauden euskaldunei zuzendutakoak) azaldu zuenez, 2020an sektore teknologikoak izango du lan merkatu indartsuenetariko bat.
Enpresa bakoitzaren eta eremu bakoitzaren jardueraren arabera, egoera oso desberdinak sortu dira Covid-19aren aurrean, baina Goyenechek joera orokor eta sektorial batzuk identifikatu ditu sektore nagusietako zuzendariekin bere egunerokotasunean duen harremanari esker.
“Gaur egungo egoera zalantzazkoa da, baina martxoan zalantza are eta handiagoa zen“, laburbiltzen du Iñaki Goyenechek. Pandemiaren ondorioek “gogor joko gaituzte, baina azkar samar berreskuratuko gara”, aholkulari honen aburuz, “2008ko krisi ekonomikoa basamortuan zeharreko bidai bat bezalakoa izan zen, baina oraingoa koiunturala da, eta egiturazkoa bihur ez dadin lan egiten da”. Gakoa iraila eta abendua bitarteko hilabeteetan dago, urteko azken lauhilekoan. Izan ere begirada guztiak jarrita hor daude, susperraldiaren abiadura neurtzeko, azpimarratzen du Goyenechek.
“Teknologia apustu segurua da, sektore teknologikoa sektore indartsu bat zen konfinamenduaren aurretik, eta konfinamenduaren ondorioz, zibersegurtasunean ahultasun asko ikusi dira eta horrek merkatuak irekitzea ahalbidetu du“. Sektore horretaz gain, energia berriztagarriak, mugikortasun ekologikoa eta trenbide-sektorea nabarmentzen dira. “Denek izan dituzte momentu txarrak, baina orokorrean ez dira gelditu”. Makina-erremintako enpresak, Goyenechek nabarmendu duenez, “urrutiko instalazioak egiteko teknologia” erabiltzen duten prozesuetan berrikuntzak gehitzeko aprobetxatzen ari dira.
Automobilgintza eta aeronautikaren sektoreetan “bigarren abiaduran” daude koronabirusaren pandemiaren eraginez, baina baita motor elektrikora birmoldaketa prozesuaren eraginez ere. Garrantzitsua da, gomendatzen die Goyenechek Euskadira bueltatzeko gurarekin dauden atzerrian dauden pertsonei “sektoreei begiratzea, baina, batez ere, enpresei banan-banan”; izan ere, egoera berriak eragin desberdinak izan ditu.
Eraikuntzaren sektoreak egoeraren aurrean “eusten” ari da, Goyenechek adierazi duenez, Covid-19aren krisiaren garairik gordinenean soilik geldialdiak izan zituelako. Sektorearekin dituen elkarrizketetan, sektorearen ardurak kontsumo-inpaktuan eta familien erosteko ahalmena kaltetuta geratzen den edo ez zentratzen dira, bi faktore hauengatik sektore honetan inbertsioak atzeratu ahal direlako.
I+G arloan “egoerari hobeto eusten” ari dira, arlo horretan aurrera egiteko apustu publikoaren ondorioz. Biozientzien eta bio-osasunaren sektorea “estrategikoa da, egoera honetan are gehiago, baina ez da oraingoz enplegu-sortzaile handia”, Euskadin arlo horretan aritzen diren konpainia gehienen tamaina txikia bait da, Pertsonen Garapeneko arduradun honek adierazi duenez.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.