Trantsizio Energetikoari eta Klima Aldaketari buruzko Plana
Trantsizio Energetikoari eta Klima Aldaketari buruzko 2021-2024 Plana (TEKAP 2021-2024) tresna garrantzitsuenetako bat da Eusko Jaurlaritzako XII. Legegintzaldiko 2020-2024 Gobernu Programako helburuak lortzeko; plan horren arabera, trantsizio hirukoitz bati (trantsizio teknologiko-digitala, energetiko-klimatikoa eta soziosanitarioa) aurre egin behar zaio Euskadik jasan duen inpaktu globalaren ondorioz, eta trantsizio hirukoitz horri ongi erantzuten bazaio, Euskadi digital, berde eta inklusiboago bat lortuko dugu.
EUSKADI DIGITALA. Trantsizio teknologiko eta digitala: Digitalizazioa, Adimen Artifiziala eta Big Data, Teknologia hiritarraren zerbitzura, Automatizazioa, Zibersegurtasuna, Bidezko ekonomia digital eta lehiakorra sustatzea.
EUSKADI BERDEA. Trantsizio energetiko eta klimatikoa: Neutraltasun klimatikoa, Sistema energetikoaren deskarbonizazioa, Baliabideen eta energiaren erabilpen eraginkorra –ekonomia zirkularra-, Mugikortasun jasangarri eta adimentsua, Bidezko trantsizio energetikoa, From farm to fork.
EUSKADI INKLUSIBOA. Trantsizio sozial eta sanitarioa: Osasun sistemak eta arrisku pandemikoak, Demografia eta zahartze osasuntsua, Migrazioa, Genero berdintasuna, Zainketa-eredu berriak, Gizarte- eta lurralde-kohesioa.
2019aren amaieran Europako Parlamentuak klima larrialdia deklaratu zuen, eta ondoren, Itun Berdea abiarazi zuen hazkunderako estrategia berri gisa. Itun Berdeari lotutako estrategia eta jarduerei esker, Europa lurralde neutroa izango da klimatikoki 2050ean. Horregatik, gero eta kontzientziatuago gaude aldaketa sistemiko sakon eta azkar baten beharraz, eta hiritarrek, industriak, enpresa munduak eta gure erakundeek konprometituta egon behar dute langintza horretan.
Euskadik konpromisoa hartu du nazioartean adostu diren helburuak betetzeko. Xedea da klima aldaketaren abiadura gutxitzea eta gaitasuna handitzea, zoritxarrez esparru askotan dagoeneko nabariak diren bere ondorioei erantzuteko. Europa hegoaldea eremu kalteberenetako bat da, eta gure erakundeek euren ardatz nagusi bihurtu dituzte klima aldaketaren inguruko politikak.
Plan honek datozen lau urteetarako lan- eta jarraipen-programa bat finkatzen du klima aldaketarekin zerikusia duten alderdi guztietan: berotegi-efektuko gas (BEG) isuriak murriztea eta karbono-hustulekuak ugaritzea, estrategia energetikoa indartzea, eta lurraldea eta biztanleria egokitzeko neurriak aplikatzea.
Plan Integral bat da, sektore askori eragingo diona; hala, aukera ematen du eremu asko garatzeko (hala nola, industria, nazioartekotzea, ikerketa eta berrikuntza, elikadura eta landa-eremu zein itsasertzeko garapena, azpiegiturak eta garraio jasangarria edo hirien birsorkuntza), eta horrekin batera, enplegua sortzeko, horixe delarik lehentasun nagusietako bat.
Pertsonak egongo dira estrategiaren erdigunean
Batetik, lehentasunezkoa da pertsonen osasuna babestea: klima aldaketak egoera konplexuak sor ditzake, eta funtsezkoa da egoera horietarako behar bezala prestatuta egongo den osasun-sistema bat izatea. Era berean, deskarbonizazioaren eta iturri berriztagarrietan oinarritutako burujabetza energetikoranzko trantsizio justuaren helburuak bateragarria izan behar du kolektibo kalteberenak babestuko dituzten ekintza inklusiboekin.
Eusko Jaurlaritzak dokumentu interesgarri bat argitaratu du, zeina lagungarria baita Plana xeheki ezagutzeko. Plan horretara biltzen dira: tokiko zein nazioarteko testuinguru politikoaren eta araudien azalpen bat; egoeraren diagnostikoa; printzipioak, helburuak eta ardatz estrategikoak; garatuko diren ekimen nagusien xehetasunak; gobernantza-eredua; eta azkenik, gure ekintzak planetarentzat eta, beraz, gure gizartearentzat baliagarriak eta onuragarriak direla egiaztatzeko jarraipen- eta ebaluazio-sistema.
Hemen deskargatu dezakezu txosten osoa:
Lotutako albisteak
Argentinako Vaca Muerta hobian, 35.500 milioi dolarreko inbertsioak aurreikusi dira datozen urteetarako gas naturalaren arloan
Basque Trade & Investmentek merkatu horrek eskaintzen dituen aukerak aztertu ditu bere azken ohar teknikoan, izan ere, mundu osoko mailan shale oil eta shale gas delakoen erreserbarik handienetakoa da.
T&D Behatokia S2 2024: Europa, Estatu Batuak eta Indiaren dinamismoak aukera berriak ireki ditu Transmisio eta Banaketaren sektorean
Transmisio eta Banaketan (T&D) espezializatutako euskal enpresek eskuragarri dute dagoeneko sektore honen joerak eta aukerak aztertzen dituen Behatokiaren laugarren edizioa. Txostena Basque Trade & Investment (BasqueTrade) SPRI Taldeari atxikitako euskal enpresen nazioartekotze-agentziak argitaratu du, eta sektorea sei hilean behin monitorizatzen duen azterketa sakona eskaintzen du aukera globalak identifikatzeko, lehiakortasuna indartzeko...
Energia Eolikoaren Behatokia: merkatuaren azterketa eta euskal enpresentzako aukerak
Energia Eolikoaren sektoreko Behatokiaren hirugarren edizioak merkatuaren bilakaerari buruzko informazio garrantzitsua eskaintzen dio euskal enpresari, eta zoom berezia egiten du Hego Koreako merkatua.
Emisiorik gabeko pasta eta papera: 2050 urtera artean euskal paper-industria deskarbonizatzeko bide-orria
Net-Zero Basque Industrial SuperClusterrek sektorearen produkzio-prozesuak zirkularitatean eta eraginkortasun energetikoan oinarritutako teknologietan elektrifikatzeko eta optimizatzeko beharra identifikatu du.
Emisiorik gabeko siderurgia: 2050 urtera artean euskal siderurgia-industria deskarbonizatzeko bide-orria
Net-Zero Basque Industrial SuperClusterrek gas naturalaren ordezko energia-iturriak eta hidrogeno berdea garatzean jartzen du fokua; sektorearen trantsizio energetikorako giltzarriak.