Velatiak EIBaren laguntza finantzarioa lortu du I+G+b estrategia aktibatzeko

Emma Navarro, EIBko lehendakariordea eta Javier Ormazabal, Velatiako lehendakaria

Europar Batasuneko erakundeak mailegua eman dio euskal industria taldeari elektrizitatea banatzeko sareetan teknologia digitalak bultza ditzan

Europako Inbertsio Bankuak (EIB) 32,5 milioi euroko mailegua eman dio egoitza Bilbon duen Velatia industria taldeari, I+G+b arloko plan estrategiko berria abiaraz dezan.

Laguntza ekonomiko honi esker, taldeak, Ormazabal konpainiaren bitartez, teknologia digitalak garatu ahal izango ditu energia elektrikoa banatzeko sareetan, sistema elektrikoen digitalizazio nahiz automatizaziorako proiektuak aktibatzeaz gain.

Era berean, mailegu honek, Europar Batasunak energia sektorea deskarbonizatzeko ezarria duen helburua betetzen lagunduko du, energia banatzeko sistemak energia berriztagarriak eta banatuak uztartzen dituzten ereduetara egokitzea sustatzen dituzten planen bitartez.