Vicomtechek ‘open-source’ datu-multzo bat garatu du errepideko istripuak prebenitzeko

Vicomtechek Driver Monitoring Dataset-a (DMD) garatu du, gidatzean istripuak prebenitzeko helburua duen datu-multzoa. Gidariaren monitorizaziorako open-source bat da, bideo-datuen bilketa masiboan oinarritua, errepidean gerta daitezkeen distrakzioak identifikatzea bilatzen duena. 

“Gidatzean arreta galtzea eta distrakzioak, hala nola loaldiak, mugikorra erabiltzea edo gainerako bidaiariekiko interakzioa, dira errepideko istripuen arrazoi nagusietako bat”, azaldu du Vicomtechek, BRTAko kidea dena. Horrela, euskal zentro teknologikoak DMD-a garatu du VI-DAS proiektuaren esparruan, zentroak berak gidatuta: “Datu-multzo edo dataset hori gidarien egoera desberdinetako bideo-datuak modu masiboan atzemateko kanpaina baten ondoren sortzen da, distrakzio-eszenak barne. Helburua materiala biltzea zen, gidariaren begiradaren edo gidariaren eskuen interakzioaren estimazioa egiteko“, azaldu dute Vicomtechetik.  

Bideo-datuen bilketan 37 boluntariok parte hartu zuten, eta 42TBko informazioa gordinik jaso zen. Bideo-datuak hartzeko, ibilgailuaren barruan hiru kamera sartu ziren: bat gidariaren aurpegian fokatuta, beste bat gorputzean eta beste bat eskuetan. “Kamera bakoitzak hiru informazio-kanal ditu: RGB, infragorria eta sakontasuna. Informazioaren aberastasun horrek handitu egiten ditu DMD erabiltzetik erator daitezkeen aplikazioak “, gaineratu dute Vicomtechetik. 

Landugabeko bideoak gero prozesatuak izan ziren. Guztira, aldi baterako 50 etiketa baino gehiago erabili ziren, distrakzio-jarduerak barne, hala nola mugikorretik hitz egitea edo edatea. Beste batzuk ere sartu ziren, hala nola lokartzea eta kliskak, begien egoera, mikroloaldiak, aharrausiak edo eskuen posizioa. DMDa erabilera akademiko eta zientifikorako eskuragarri dago. 

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu. 

Lotutako albisteak

28 ekaina, 2024 I+G

‘INDARPAK Precision’, zure mekanizazio kidea

Irakurri gehiago

28 ekaina, 2024 I+G

Repapel proiektuak paper-industriaren zirkulartasuna areagotzen duten konponbideak eskaintzen ditu

Irakurri gehiago

26 ekaina, 2024 I+G

H-ACERO proiektuaren helburua sektore siderurgikoa deskarbonizatzea da, hidrogenoaren bidez, ordezko iturri gisa

Irakurri gehiago

24 ekaina, 2024 I+G

Geolarrea, ia 30 urte geologian eta geoteknian jarduten

Irakurri gehiago

13 ekaina, 2024 I+G

Incomimexek arrakasta kasu berri bat osatu du automozioaren sektoreko enpresa garrantzitsu batekin

Irakurri gehiago

Joan blog-era