‘Z-WasTEK’-ek karbono-zuntzaren balioa handitu du bigarren belaunaldiko konposite berriak garatzeko
Z-WasTEK proiektua 2020an abiatu zen, Zero Waste teknologia berriak garatzeko helburuarekin, kalitate handiko karbono birziklatuzko zuntzean eta 3R erretxinan (konpongarria, birziklagarria eta birprozesagarria) oinarritutako konpositeak fabrikatzeko. Joan den martxoan amaitu zen proiektuaren jarduera teknikoa, eta, proiektuko arduradunek adierazi dutenez, “prozesu berri bat garatu da karbono-zuntza birziklatzeko, materiala erabili ezin den momentua pasa ondoren”.
Proiektua Obe Hettich buru duen euskal partzuergo batek osatzen du eta bertan parte hartu dute Mariskone, Fibertecnic, Fiber Profil, Segula Tecnologías España, Igestek Increase & Win, Maier S.Coop eta Inkoa Sistemas enpresek, baita CIDETEC Surface Engineering, Leartiker eta MTC zentro teknologikoek ere.
2,4 milioi euroko aurrekontua izan du, Eusko Jaurlaritzaren HAZITEK – Enpresen I+Grako Laguntza Programaren barruan, eta Europar Batasunak finantzatzen du Eskualde Garapeneko Europako Funtsaren bidez, CDTIren bitartez.
Zero Waste soluzio berriak
Proiektuari esker, “karbono-konpositeen industriarako Zero Waste soluzio berriak garatu dira”, diote. Gainera, 3R konpositearen balioa handitzeko teknologia berriak garatuta, 3R konpositeen produkzioko hondakin erretxina eta karbono-zuntzak erabat berrerabili ahal izan dira. Horrela, “3R konpositearen produkzioan sortutako hondakin guztiak erabat ezabatzea lortzen da”, proiektuaren ordezkarien arabera.
Hala, berreskuratutako karbono-zuntzak kalitate handia eta prestazio egokiak ditu, eta, beraz, lehen hondakina zen material hori birbalorizatu egin da birziklatze kimikoko prozesu baten bidez. “Bigarren belaunaldiko 3R konposite berriak garatzeko erabili ahal izateko egiten dugu prozesu hori, konposite originalen prestazio berberekin, prezio lehiakorrean”.
3R erretxinen balioa handitzeko, birziklatze kimikoko prozesu berri bat jarri zen martxan, karbono-zuntzak erretxinatik bereizteko aukera ematen duena, eta “bi material birziklatuak karbono-zuntz birziklatuz sendotutako bigarren belaunaldiko material konposatuen garapenean erabiltzeko”, zehaztu dute.
Gainera, prestazio handiko itsasgarri berri bat garatu da, 3R teknologian oinarritua, eta haren gaitasunak egokiak dira aeronautikaren eta beste sektore batzuen eskakizunei aurre egiteko. Itsasgarriak pieza beraren zati kolatuak erraz bereizteko aukera ematen du, beroa aplikatuz, eta “hori abantaila handia da pieza aeronautikoetan kaltetutako zatiak bereizteko eta gero konpontzeko”, azpimarratu dute.
Proiektu honekin, erretxinetan eta beira- edo karbono-zuntzetan oinarritutako material konposatuekin egindako piezak ordezkatzea lortu da, birziklagarriak ez direnak. “Fabrikatu diren erakusleak birziklagarriak dira, oraingoak baino arinagoak, eta proiektuan birziklatutako karbono-zuntzetik abiatuta garatu dira”. Garatutako erakusleen artean, besteak beste, trenaren barruko piezak, atzeko atearen zati bat edo auto baten droprack-a daude.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.