Zientzia, Teknologia eta Berrikuntzaren euskal sareko 250 adituk uste dute I+Gko inbertsioaren berreskurapena aurten hasiko dela eta 2022an biziagoa izango dela
- Innobasquek, lantalde batean bilduta, "2020ko Euskal Berrikuntzari buruzko Pertzepzioaren Txostena" egiten parte hartu du. Hain zuzen, txosten horrek bi urtean behin neurtzen ditu Euskadiko berrikuntzaren etorkizuneko aukerak eta Zientzia, Teknologia eta Berrikuntzaren Euskal Sarea nola hautematen den aztertzen du
- Ziurtatu dute osasun-krisiaren aurreko inbertsio-mailak berreskuratzeak enpresek merkatuan duten kokapenari eusteko soilik balioko duela, baina ez kokapen hori hobetzeko
- Zientzia, Teknologia eta Berrikuntzaren Euskal Sareari buruz duten balorazioa hobetu egin da aurten ere eta adierazi dute berehalako etorkizunera begira dituzten lehentasunak ekimen estrategikoak sustatzea, enpresak eta gizartea digitalizatzea eta ETE-etan berritzea izan behar direla
- Ikusi Euskal Berrikuntzari buruzko Pertzepzioaren Txostena eta hura egin duten 250 adituren berrikuntza-taldea
Pandemiaren ondorioz, berrikuntza lehentasun bihurtu da euskal enpresetarako, eta, beraz, osasun-krisiaren aurreko inbertsio-mailak berreskuratzea erabaki dute. Nolanahi ere, erregistro horietara itzultzeak merkatuan duten posizonamenduari eusteko balioko du soilik, baina ez hura hobetzeko, “Euskal Berrikuntzari buruzko Pertzepzioaren Txostenaren” aditu taldeko 250 kideren arabera. Hirugarren edizioan, Euskadiko I+G eta berrikuntzaren pertzepzioaren behatoki honek, Berrikuntzaren Euskal Agentzia, Innobasquek sortutakoa, ohartarazten du inbertsioa aurten hasiko dala berreskuratzen eta 2022an biziagoa izango dala, “enpresak lehiakorrak izaten jarraitzeko ezinbesteko baldintza“.
“Euskal Berrikuntzari buruzko Pertzepzioaren Txostena” bi urtean behin egiten da, arlo horietan ibilbide profesional aitortua duten espezialisten talde handi batek Zientzia, Teknologia eta Berrikuntzaren Euskal Sistemari buruz duen pertzepzioa oinarri hartuta. Adituen talde hori Innobasquek bere bazkideekin batera sortutako zazpi berrikuntza-taldeetako bat da, hainbat espezializazio-arlotatik berrikuntza eta I+G arloarekin lotutako alderdi guztiak jorratzeko eta Euskadiko adierazleen bilakaera aztertzeko. Diziplina arteko lantalde horiekin lankidetzan aritzeak aukera ematen dio Agentziari hainbat ikuspuntu espezializatu izateko, adibidez, arrakasta-kasuak identifikatzeko, joera globalak aurreikusteko, ETE-en beharrizan espezifikoak lantzeko edo prospektibaren erabilera sustatzeko.
250 talentuko diziplina anitzeko panela
Kasu honetan, euskal berrikuntzaren pertzepzioaren taldeak, 2020an, Zientzia, Teknologia eta Berrikuntzaren Euskal Sistema osatzen duten kolektibo eta erakunde guztietako 250 ordezkari bildu ditu. Horien artean daude enpresetako, I+G unitateetako eta enpresa-erakundeetako arduradunak, gizarte-instituzio edo -erakundeetakoak, unibertsitateetakoak, zentro teknologikoetakoak eta Zientzia, Teknologia eta Berrikuntzaren Euskal Sareko beste agente batzuetakoak, hala nola Ikerketa Sanitarioko Zentroak (ISZ), Ikerketa Kooperatiboko Zentroak (IKZ) edo Oinarrizko Ikerketa eta Bikaintasun Zentroak (BERC). Banakako balorazioei esker, Innobasquek Zientzia, Teknologia eta Berrikuntzarako Euskal Sistema nola hautematen den azter dezake, eta kolektibo bakoitzak antzematen dituen indarguneak eta ahulguneak ezagutu.
Edizio berri honetan, txostenari jarraikiz, sistemak goranzko balorazioa du lanbide-jarduera bertan garatzen dutenen artean. Sei urtetan, panelak uste du berrikuntzaren egoerak hobera egin duela Euskadin; zehazki, 2016ko 6,38tik iazko 6,80ra igo du `nota´. Egoera ongien hautematen dutenak ikertzaileak dira. Horiek nota 6,91ra igoko lukete. Atzetik enpresaburuak datoz, 6,84rekin. Kritikoenak, ordea, gizarte-instituzio eta -erakundeetako ordezkariak dira. Batez beste 6,42 eta 6,08ko notak dituzte, hurrenen hurren.
Informazioa inkesten bidez lortzen da; beraz, horiek aztertuta ondoriozta daiteke sistemaren barruan profesionalek indargunetzat jotzen dituztela langile ikertzaile kualifikatuen presentzia eta ikerketa-ibilbidea garatzeko baldintzak, finantzaketa publikoaren garrantziarekin eta baliabideak ardaztearekin batera. Gainera, administrazioek zientzia, teknologia eta berrikuntza sustatzeko orduan jartzen duten arreta erantsi behar zaio. Balantzaren beste aldean, hobetu daitezkeen alderdiak dira finantzaketa pribatua eta egindako ahaleginen eta lortutako emaitzen arteko harremana.
Azkenik, ‘2020ko Euskal Berrikuntzari buruzko Pertzepzioaren Txostenari’ esker, Euskadin I+G+b arloko etorkizunaren inguruan adituen taldeak dituen aukerak ezagut daitezke. Izan ere, edizio honetan bi inkesta egin dira osasun‑krisiaren ondorengo egoera islatzeko. Ildo horretan, aurten eta bereziki datorren urtean gastu-maila berreskuratzea aurreikusteaz gain, inkestari erantzun dioten gehienek uste dute zientzia-, teknologia- eta berrikuntza-politikaren lehentasun nagusiak ekimen estrategikoak sustatzea, enpresetan eta gizartean digitalizatzea eta ETEetan berritzea izan behar direla. Panelaren barruan ados ez dauden bakarrak ikertzaileak dira. Euren ustez garrantzitsuagoa da ezagutzaren transferentzia eta talentuaren kudeaketa hobetzea.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.